អ្នកគាំទ្ររំភើបចិត្ត! ទោះមមាញឹកយ៉ាងណា Angela Baby នាំកូនប្រុសតាមជាប់ខ្លួនទៅអ៊ីតាលី
ថ្មីៗនេះ តារាសម្ដែងស្រី Angela Baby ជាមួយនឹងកូនប្រុសបានបង្ហាញខ្លួននៅឯព្រលានយន្តហោះ Shanghai ត្រៀមហោះហើរទៅប្រទេសអ៊ីតាលី សម្រាប់កាលវិភាគការងារនៅក្រៅប្រទេសរបស់នាង។
ក្នុងដំណើរទៅកាន់ប្រទេសអ៊ីតាលីនេះផងដែរ សម្រាប់តារាស្រីរូបនេះ គឺមិនត្រូវតែទៅធ្វើការនៅទីនោះទេ ប៉ុន្តែនាងក៏ឆ្លៀតទៅកម្សាន្តលេងសម្រាប់វិស្សិមកាលរបស់នាង និង កូនប្រុសផងដែរ។
បើទោះជាមើលទៅនាងហាក់ដូចជាមានភាពមមាញឹកខ្លាំងក្នុងការងារសិល្បៈច្រើនក៏ដោយ តែ Angela Baby នៅតែចង់ក្បែរកូនប្រុសរបស់នាងដែរ។
អាចនិយាយបានថា នេះជារឿងដែលធ្វើឱ្យអ្នកគាំទ្ររបស់នាងរីករាយខ្លាំងបំផុត ព្រោះពួកគេតែងតែមើលឃើញ Angela Baby បង្ហាញក្តីស្រឡាញ់យ៉ាងកក់ក្តៅឱ្យទៅកូនប្រុសរបស់នាង ដូចជាពេលបង្ហាញខ្លួននៅព្រលានយន្តហោះក្នុងស្រុក ដោយកូនរបស់នាងអង្គុយលើវ៉ាលីរុញបណ្តើរគ្នាយ៉ាងត្រសង ធ្វើឱ្យគេលាន់មាត់សរសើរពីរនាក់ម្ដាយកូននេះពេញនៅលើបណ្តាញសង្គម Weibo៕
