ពេជ្រ វត្តីសារ៉ាវឌ្ឍី បង្ហើបទាំងរំភើបថា លោក Nawat រវល់មែន តែឆ្លៀតមកកម្ពុជាដើម្បីនាង
នៅយប់ថ្ងៃទី ១៧ ខែសីហា ឆ្នាំ ២០២៣ ពេជ្រ វត្តីសារ៉ាវឌ្ឍី បានបង្ហោះរូបភាពថ្មីមួយសន្លឹកជាមួយលោក Nawat ព្រមទាំងនិយាយពាក្យពេចន៍ស្វាគមន៍លោកមកកាន់កម្ពុជាទៀតផង។
ការបង្ហាញវត្តមាននៅលើទឹកដីកម្ពុជាភ្លាមៗបែបនេះ ធ្វើឱ្យមហាជនអ្នកគាំទ្រវិស័យបវរកញ្ញាមានការភ្ញាក់ផ្អើលមិនស្ទើរឡើយ ព្រោះថាព័ត៌មានចុងក្រោយដែលផេកផ្លូវការរបស់ Miss Grand Cambodia បានប្រកាសលើហ្វេសប៊ុកនោះ គឺមានតែវត្តមាន Miss Grand International 2022 កញ្ញា Isabella Menin និង លោកស្រី Teresa ប៉ុណ្ណោះ ដែលនឹងមកចូលរួមជាកិត្តិយសក្នុងថ្ងៃប្រកួតផ្ដាច់ព្រ័ត្រកម្មវិធី Miss Grand Cambodia 2023។
ដោយឡែក នៅពីក្រោយការហោះហើរមកកាន់កម្ពុជារបស់លោក Nawat ក៏មានអត្ថន័យផ្សេងដែរ។ ជាក់ស្ដែងបើតាមការរៀបរាប់របស់កញ្ញា ពេជ្រ វត្តីសារ៉ាវឌ្ឍី បានឱ្យដឹងថា លោករវល់ណាស់ ប៉ុន្ដែត្រូវតែឆ្លៀតដើម្បីនាង ៖ «Papa Nawat ប្រាប់ថា គាត់រវល់តែគាត់ត្រូវតែឆ្លៀតមកថ្ងៃពិសេសរបស់កូនគាត់ I love you so much papa»៕
