សមគ្នាណាស់! បង្ហាញមុខសង្សារ Anntonia ម្ចាស់មកុដ MUT 2023 សង្ហាខ្លាំង ហើយជាកីឡាករជម្រើសជាតិទៀត

ក្រោយពីការបង្ហាញសមត្ថភាពពីមួយវគ្គទៅមួយវគ្គក្នុងការប្រកួត Miss Universe Thailand ២០២៣ អស់រយៈពេលជាច្រើនខែមក ពេលនេះកម្មវិធីប្រកួតបវរកញ្ញាដ៏ល្បីល្បាញមួយនេះ បានស្វែងរកម្ចាស់មកុដដ៏ស័ក្តិសមហើយ ដែលនឹងតំណាងឱ្យប្រទេសថៃដើម្បីចូលរួមក្នុងការប្រកួតលើឆាកអន្តរជាតិនាពេលខាងមុខ។

សម្រាប់រាត្រីគ្រងមកុដនៅយប់ថ្ងៃទី ២០ ខែសីហា ឆ្នាំ ២០២៣ កន្លងទៅនេះ បេក្ខភាពដែលទទួលបានមកុដជ័យលាភី Miss Universe Thailand ប្រចាំឆ្នាំ ២០២៣ បានទៅលើ Ann Anntonia Porsild ដែលជាបេក្ខភាពប្រកួតមួយរូបដែលមិនត្រឹមតែមានរូបសម្រស់ស្អាតនោះទេ តែនាងក៏ជាបវរកញ្ញាមួយរូបដែលមានសមត្ថភាពស័ក្តិសមទៅនឹងម្ចាស់មកុដផងដែរ។

យ៉ាងណាមិញ ក្រោយទទួលបានតំណែងជាម្ចាស់ជ័យលាភី Miss Universe Thailand ប្រចាំឆ្នាំ ២០២៣ បវរកញ្ញា Ann Anntonia Porsild រឹតកាន់តែធ្វើឱ្យមហាជនចាប់ក្រសែភ្នែកមើលលើសដើម ពិសេស ម្នាក់ៗក៏បង្ហាញការសាទរ និង ពេញចិត្តខ្លាំងណាស់ចំពោះសមត្ថភាពដែលស័ក្តិសមទៅនឹងម្ចាស់មកុដរបស់នាង។

ដោយឡែក អ្វីដែលអ្នកគាំទ្រចាប់អារម្មណ៍ទៀតនោះគឺ មិនត្រឹមតែទទួលបានការសាទរពីអ្នកគាំទ្រនោះទេ តែនាងក៏ទទួលបានពាក្យជូនពរពីគូស្នេហ៍រូបសង្ហាដែលជាកីឡាករបាល់ទាត់ខ្សែការពារជម្រើសជាតិសិង្ហបុរីយ៉ាងផ្អែមល្ហែមថែមទៀត ពោលគឺកីឡាករជម្រើសជាតិរូបនេះបានបង្ហោះរូប Ann Anntonia Porsild ដែលជាគូស្នេហ៍ ព្រមជាមួយខេបសិនថា ៖ «Born to be a queen. So proud of you»៕