អ្នកគាំទ្រចង់គាំង! ច្រៀងសុខៗ I.M សមាជិក MONSTA X បង្អួតសាច់ដុំទាំងកង់ៗនៅកណ្តាលឆាក
ការប្រគំតន្រ្តីរបស់ I.M សមាជិកក្រុម MONSTA X បានធ្វើឱ្យទស្សនិកជន ក៏ដូចជាអ្នកគាំទ្រស្រែកហ៊ោកងរំពង ខណៈដែលលោកបានឡើងសម្ដែងទោល នៅលើឆាកប្រគំតន្រ្តីដំបូង ក្នុងការព្រឹត្តិការណ៍ Respect Festival ឆ្នាំ ២០២៣ កាលពីថ្ងៃទី ០៥ ខែកញ្ញា។
ការសម្ដែងក្នុងនាមជាតារាចម្រៀងទោលនៅលើកនេះ I.M ពិតជាមិនធ្វើឱ្យអ្នកគាំទ្ររបស់លោកខកចិត្តនោះទេ កំឡុងពេលសម្ដែង តារាប្រុសវ័យ ២៧ ឆ្នាំរូបនេះ បានធ្វើរឿងដ៏គួរឱ្យភ្ញាក់ផ្អើលដើម្បីបង្កើនភាពរីករាយដល់ទស្សនិកជនដែលបានមកទស្សនាផ្ទាល់។
ភ្លាមនោះ ខណៈកំពុងឈរបង្ហើបសំនៀងយ៉ាងក្រអួនក្រអៅ ជាមួយនឹងក្បាច់រាំយ៉ាងរស់រវើក ធ្វើឱ្យអ្នកទស្សនាមិនអាចគេចភ្នែកចេញពីលោកឡើយ។
ទោះជាយ៉ាងណា អ្វីដែលកាន់តែធ្វើឱ្យអ្នកគាំទ្រស្រឡាំងកាំងខ្លាំងនោះ I.M បានដោះអាវបង្អួតសាច់ដុំ ៦ កង់ជះភាពយ៉ាងសង្ហានៅកណ្តាលឆាកតន្រ្តី ធ្វើឱ្យអ្នកគាំទ្រមើលហើយព្រឺសម្បុរ ព្រោះមិនស្មានថា លោកក្លាហានបញ្ចេញភាពទាក់ទាញផ្នែកដងខ្លួនដល់ទស្សនិកជនខ្លាំងបែបនេះសោះ៕
