សំងំរស់នៅក្នុងព្រៃមួយរយៈ តួឯកជើងចាស់ Note ចង់អួលដើម-ក ពេលបានត្រឡប់មកសម្ដែងវិញ

រំឭកដល់ឈ្មោះ Note Watcharabul ប្រិយមិត្តមួយចំនួនប្រាកដជាបានស្គាល់ និង ចងចាំនៅឡើយទេថា Note Watcharabul ជាតួឯកប្រុសម្នាក់ ដែលទទួលបានការគាំទ្រខ្លាំងណាស់ពីសំណាក់មហាជនកាលពីពេលកន្លងទៅ តែអ្វីដែលធ្វើឱ្យអ្នកគាំទ្រនៅមិនអស់ចិត្តនោះ ស្ងាត់ៗបែរជាបាត់វត្តមានតារាប្រុសរូបនេះឈឹងមិនសូវលេចមុខក្នុងសិល្បៈទៅវិញ ធ្វើឱ្យអ្នកគាំទ្រអន្ទះសាចង់ដឹងពីមូលហេតុព្រោងព្រាត។

ជាក់ស្តែង បើងាកមកមើលពីជីវិតឯកជនរបស់តារាប្រុស Note Watcharabul ក្រោយមិនសូវបង្ហាញមុខនៅក្នុងសិល្បៈនោះ ការពិតទៅតារាប្រុសរូបនេះកំពុងតែប្រើជីវិតយ៉ាងសាមញ្ញជាមួយធម្មជាតិព្រៃឈឺ ពោលគឺ លោកចូលចិត្តចូលក្នុងព្រៃមើលសត្វចាប សត្វព្រាប ព្រមជាមួយនឹងធម្មជាតិខ្លាំង។

យ៉ាងណាមិញ ក្រោយប្រើជីវិតជាមួយធម្មជាតិអស់មួយរយៈធំ ថ្មីៗនេះ Note Watcharabul បានបង្ហោះសារធ្វើឱ្យអ្នកគាំទ្រស្តាប់ឮហើយរំភើបក្នុងចិត្ត និង សង្ឃឹមថាលោកមានសមិទ្ធផលការងារសិល្បៈច្រើនដូចមុនថា ៖ «ពេលនេះមានអារម្មណ៍ថារំភើបនៅពេលដែលបានរួមការងារជាមួយកំពូលតារាជាច្រើនដួង ផ្ញើខ្លួនផ្ញើប្រាណផងណ៎ាបាទ»៕