ខ្វះ ១ សប្តាហ៍ចូលរោងការ Kimberly ទម្លាយឈ្មោះមិត្តសំខាន់ ៣ រូប ដែលមិនអាចខកខានបានក្នុងថ្ងៃមង្គលនាង

ខ្វះតែ ១ សប្តាហ៍ទៀតប៉ុណ្ណោះ ដែលតារាប្រុស Mark Prin និង អានាគតភរិយារូបស្រស់ Kimberly ចូលរោងការជាមួយគ្នាហើយ បន្ទាប់ពីរើសបានពេលាល្អនៅថ្ងៃទី ១៤ ខែកញ្ញា ឆ្នាំ ២០២៣។ សម្រាប់ថ្ងៃមង្គលនេះដែរ អនាគតស្វាមីភរិយាមួយគូនេះ បានជ្រើសរើសប្រទេសអ៊ីតាលីជាកន្លែងរៀបចំពិធីផងដែរ។

ស្របពេលជិតដល់ថ្ងៃរៀបការ មួយរយៈចុងក្រោយនេះ Kimberly និង Mark ហាក់មិនសូវមានពេលទំនេរ ឬ បង្ហាញមុខនៅលើបណ្តាញសង្គមឡើយ ដោយអ្នកគាំទ្រគិតថា អ្នកទាំងពីរប្រហែលមមាញឹកខ្លាំងក្នុងការរៀបចំ ក៏ដូចជាត្រៀមខ្លួនសម្រាប់ថ្ងៃពិសេសនាពេលខាងមុខ។

ក្រោយត្រៀមខ្លួនសម្រាប់ថ្ងៃពិសេសនាពេលខាងមុខរួចរាល់ហើយ ពេលនេះ​ Kimberly ដាច់ចិត្តទម្លាយឈ្មោះមិត្តពិសេសរបស់នាង ដែលនឹងមានវត្តមានមិនអាចខកខានបាន ក៏ដូចជាកំពុងតែកាត់ឈុតត្រៀមសម្រាប់ថ្ងៃពិសេសរបស់នាងឱ្យអ្នកគាំទ្របានឃើញ ពោលគឺ នាងបង្ហើបឈ្មោះបាន ៣ នាក់ហើយរួមមាន៖ តារាស្រី Yaya , Margie និង Bow Benjawan៕