ភ្ញាក់ផ្អើល! Elane Zhong និង Hou Wenyuan ត្រូវគេចាប់បានថាកំពុងមានស្នេហានឹងគ្នា
នៅលើបណ្តាញសង្គម Weibo ថ្មីៗនេះ កំពុងមានការភ្ញាក់ផ្អើលយ៉ាងខ្លាំង បន្ទាប់ពីបានឃើញតារាសម្ដែងប្រុសស្រីប្រជាប្រិយភាព Elane Zhong និង Hou Wenyuan ត្រូវបាន Paparazzi ផ្តិតយករូបថតដ៏ផ្អែមល្ហែមរបស់អ្នកទាំងពីរដើរកាន់ដៃគ្នាជាប់មិនលែង ត្រឡប់ទៅផ្ទះវិញជាមួយគ្នា។
ក្នុងនោះដែរ បន្ទាប់ពីរូបថត និង វីដេអូរបស់តារាទាំងពីរនេះ បានបែកធ្លាយចេញពេញនៅលើបណ្តាញសង្គម ក៏ដូចជាប្រព័ន្ធផ្សព្វផ្សាយ បានចុះផ្សាយថា ៖ «តើអ្នកណាគឺជាគូស្នេហ៍ពិតរបស់តារាស្រី Elane Zhong»។
គ្រាន់តែព័ត៌មានមួយនេះ បានបញ្ចេញជាសាធារណៈភ្លាម ទស្សនិកជនមួយចំនួនក៏បានច្បាស់ក្នុងចិត្តផងដែរ ព្រោះកន្លងមក តារាស្រីវ័យ ៣០ ឆ្នាំរូបនេះ ធ្លាប់មានព័ត៌មានចចាមអារ៉ាមថាមានទំនាក់ទំនងជាមួយនឹង Zhang Yunlong ពីមុន៕
