ជោគជ័យទាំងវ័យក្មេង! Bright បើកផលិតកម្មផ្ទាល់ខ្លួន ធ្វើពិធីសម្ពោធយ៉ាងកក្រើកសិល្បៈថៃ

Bright ជាតារាសម្តែងប្រុសវ័យក្មេងម្នាក់ ដែលកំពុងតែឆក់បានបេះដូងអ្នកគាំទ្រមិនតិចឡើយតាមរយៈរូបសម្រស់ និង សមត្ថភាពរបស់លោក ហើយថ្មីៗនេះ Bright ហាក់កំពុងមានសន្ទុះការងារហូរចូលខ្លាំងស្ទើរតែរកពេលសម្រាកគ្មានឡើយ។

ដោយឡែក ទន្ទឹមនឹងការគាំទ្រកំពុងមានសន្ទុះខ្លាំង ថ្មីៗនេះអ្នកកំលោះសង្ហារូបនេះបានទម្លាយអាជីពថ្មីមួយទៀតហើយក្រៅពីអាជីពជាតារាសម្តែង ពោលគឺ Bright បានបើកក្រុមហ៊ុនផ្ទាល់ខ្លួនមួយឈ្មោះថា «Cloud9 Entertainment»។

ជាមួយគ្នានោះ នៅពីថ្ងៃទី ២៦ ខែកញ្ញា ឆ្នាំ ២០២៣ កន្លងទៅនេះ Bright បានធ្វើកម្មវិធីសម្ភោធក្រុមហ៊ុន Cloud9 Entertainment របស់លោក ដែលមានតារាប្រុសស្រីជាច្រើនបានចូលរួមសាទរ។ ជាក់ស្តែង ក្នុងនោះក៏មានវត្តមានតារាស្រីរូបស្រស់ Yaya ក៏បាននាំបាច់ផ្កាមកសាទរដល់ Bright ដល់កន្លែង ក្រោយអ្នកកំលោះរូបនេះក្លាយជាម្ចាស់ក្រុមហ៊ុនថ្មី៕