អ្នកមេម៉ាយកូនមួយ Angela Baby តែងខ្លួនជាព្រះនាង ឆាងអឺ ស្អាតខ្លាំង ថ្ងៃបុណ្យសែនលោកខែ
ដូចដែលប្រិយមិត្តអ្នកគាំទ្របានដឹងមកហើយ Angela Baby គឺជាតារាសម្ដែងស្រីចិនដ៏ល្បីមួយរូប ទាំងសមត្ថភាព និង រូបសម្រស់ស្រស់ស្អាតរបស់នាង បើទោះជានាងស្ថិតនៅក្នុងវ័យ ៣៤ឆ្នាំហើយក៏ដោយ។
សម្រាប់ថ្មីៗនេះដែរ តារាសម្ដែងស្រីរូបនេះ ក៏បានបង្ហោះនៅលើគណនី Weibo របស់នាង ជាមួយនឹងរូបថតជាច្រើនសន្លឹកនៅក្នុងឈុតបុរាណតែងតួជាអង្គទេពអប្សរ Dunhuang កាន់ស្គរ និង ពិនទេព យ៉ាងទន់ភ្លន់ បញ្ចេញពន្លឺភ្លឺចែងចាំងរស្មីយ៉ាងស្រស់ស្អាត ដើម្បីជាអបអរក្នុងឱកាសពិធីសែនលោកខែនៅថ្ងៃទី ២៩ ខែកញ្ញា ឆ្នាំ ២០២៣ ផងដែរ។
ក្រោយការបង្ហោះនេះ បានបង្ហាញជាសាធារណៈ សង្កេតឃើញថាមានក្រុមអ្នកគាំទ្រជាច្រើនបានលាន់មាត់សរសើរនាងម្តងហើយម្តងទៀត អំពីសម្រស់របស់អ្នកមេម៉ាយកូនមួយរូបនេះ ដែលនាងអាចរក្សាបាននូវភាពស្រស់ស្អាតមិនថមថយនោះទេ៕
