ចប់ The Voice ភ្លាម Coach ឆន សុវណ្ណរាជ ចេញពីប្រទេសភ្លែត ក្រោមហេតុផលមួយ

ពិតណាស់ តារាចម្រៀងប្រុស ឆន សុវណ្ណារាជ ទើបតែបញ្ចប់តួនាទីជាគណៈកម្មការនៃកម្មវិធីប្រឡងចម្រៀងលំដាប់ពិភពលោក The Voice Cambodia រដូវកាលទី ៣ ដែលម្ចាស់ពានក្នុងរដូវកាលនេះបានទៅលើកូនក្រុមរបស់ Coach ពេជ្រ សោភា គឺកញ្ញា លឹម សេរីហាន់នីកា។

យ៉ាងណាមិញ ក្រោយបញ្ចប់បេសកម្មជាគ្រូបង្វឹកភ្លាម លោក ឆន សុវណ្ណារាជ កំពុងធ្វើឱ្យមហាជនអ្នកគាំទ្រចាប់អារម្មណ៍ខ្លាំង ខណៈបានឃើញលោកបង្ហោះសារលាមាតុភូមិកម្ពុជាមួយរយៈ ធ្វើដំណើរទៅប្រទេសកាណាដា។

ក្នុងនោះដែរ តារាចម្រៀង ឆន សុវណ្ណារាជ ក៏ប្រាប់ឱ្យដឹងថាលោកចេញទៅប្រទេសកាណាដា ដើម្បីបំពេញការងារ Tour Concert រយៈពេលជិត ២ ជាមួយនឹងតារាចម្រៀងស្រី ឈិន ម៉ានិច្ច។ សារនោះ លោក ឆន សុវណ្ណារាជ បានសរសេររៀបរាប់ថា ៖ «លាមួយរយៈពេលសិនហើយ កម្ពុជាទឹកដីកំណើត ដែនដីសុវណ្ណភូមិ ជួបគ្នាឆាប់ៗនេះ ប្រទេសកាណាដា»៕