(វីដេអូ) ផ្ទុះការចាប់អារម្មណ៍! លេចក្រដាសប្រាក់ «១០០៛» របស់ខ្មែរ ក្នុងខ្សែភាពយន្តខ្លីរបស់ ចាង ស៊ីឈី

គ្រាន់តែឮឈ្មោះថា ចាង ស៊ីឈី ជឿជាក់ថាប្រិយមិត្តជាក់ជាស្គាល់ និង ធ្លាប់បានមើលរួចមកហើយនូវខ្សែភាពយន្តខ្លីៗដែលនាងបានសម្ដែង ដោយតួអង្គរបស់នាងសឹងតែគ្រប់ភាគ ពីដំបូងឡើយគ្រាន់តែជានារីម្នាក់ដែលមានជីវភាពមិនសូវធូរធារនោះទេ ថែមទាំងត្រូវបានមជ្ឈដ្ឋានជុំវិញខ្លួនគេមាក់ងាយនាងថែមទៀតផង។

ជាសំណាងល្អរបស់ ចាង ស៊ីឈី បន្ទាប់ពីជួប ឬ មុនពេលដែលនាងជួបឧបសគ្គនោះ នាងតែងជួបបុរសល្អឥតខ្ចោះមួយរូប ទាំងសង្ហា ទាំងមានទ្រព្យ ទាំងស្រឡាញ់ដោយស្មោះស្ម័គ្រ ដែលធ្វើឱ្យនារីៗមិនតិចនោះទេច្រណែនពីជីវិតតួស្រី ចាង ស៊ីឈី នេះ។

ជាមួយគ្នានោះ នៅថ្ងៃទី ៥ ខែតុលា ឆ្នាំ ២០២៣ នេះ យោងតាមគណនីផេក SO Shortfilm បានបង្ហោះភាគទី ៦ នៃរឿងមានចំណងជើងថា «I Guess You Love Me» ចូលទៅក្នុងផេករបស់ខ្លួន ដោយជាក់ស្ដែងក្នុងភាគមួយនេះ បានធ្វើឱ្យអ្នកតាមដានផ្ទុះការចាប់អារម្មណ៍ជាខ្លាំង ក្រោយឃើញក្រដាសប្រាក់សន្លឹក «១០០​ រៀល» របស់ខ្មែរ មានវត្តមាននៅក្នុងវីដេអូមួយនេះផងដែរ៕

ចង់ជ្រាបកាន់តែច្បាស់ សូមទស្សនាវីដេអូខាងក្រោម៖

ប្រភព៖ SO Shortfilm