ស្ងាត់ៗ! ក្រុមចម្រៀងប្រុសសង្ហា Rizer ចូលផលិតកម្មថោន ផ្អើលអ្នកគាំទ្រ

កន្លងមក មហាជនអ្នកគាំទ្រ ក្រុមចម្រៀង Rizer ច្បាស់ជាបានជ្រាបមកហើយ ពីទេពកោសល្យ និង ប្រជាប្រិយភាពរបស់យុវជនមួយក្រុមនេះ។ ក្នុងនោះ ក្រុម Rizer ក៏មានបទល្បីៗជាច្រើនទទួលបានការគាំទ្រពីសំណាក់មហាជន រួមមានបទ «ឮហើយនឹកដល់បងផង» បទ «ព្រមទទួលទាំងទឹកភ្នែក» និង បទ «រូបអូនជាកម្លាំងចិត្ត» ជាដើម។

យ៉ាងណាមិញ ថ្មីនេះ មហាជនអ្នកគាំទ្រក្រុមតារាចម្រៀង Rizer ក៏កំពុងផ្ទុះការចាប់អារម្មណ៍ បន្ទាប់ពី Poster ចម្រៀងថ្មីរបស់ផលិតកម្មថោន បានបង្ហោះឡើង អមនឹងសារមួយឃ្លាបញ្ជាក់ថា ក្រុមចម្រៀង Rizer បានចូលក្នុងផលិតកម្មថោន ហើយ។

ក្នុងការមកដល់ទ្រនំនេះដែរ ក្រុមចម្រៀង Rizer ក៏នឹងត្រៀមបង្ហាញបទចម្រៀង Original Song ជាបន្តបន្ទាប់ដល់អ្នកគាំទ្រផងដែរ៕