(វីដេអូ) DJ Nui ចេញមុខបកស្រាយ ជុំវិញរឿង Anne ប្រើដៃប្រើជើងចំពោះលោកលើឆាកកណ្តាលចំណោមគេ
កាលពីពេលថ្មីៗនេះ មហាជនមានការភ្ញាក់ផ្អើលជាខ្លាំង បន្ទាប់ពីបានឃើញវីដេអូតារាស្រី Anne Thongprasom ទះកំផ្លៀង DJ Nui នៅលើឆាក ដែលមានមហាជនមិនតិចឡើយបានចូលទៅខមមិនសម្តែងក្តីមិនពេញចិត្តចំពោះរូបភាពដែលកើតមានរវាងតារាប្រុសស្រីទាំងពីរនេះ។
ទោះយ៉ាងណា ជុំវិញរឿងរ៉ាវដែលបានកើតឡើងមួយនេះ ខាង DJ Nui បានចេញមុខបកស្រាយគ្រប់យ៉ាងហើយថា កម្មវិធីដែលអ្នកទាំងពីរបានឈរនៅលើឆាកនោះគឺ ការសម្ភាសបិទខ្សែភាពយន្តដែលតារាស្រី Anne Thongprasom សម្តែង។
សម្រាប់រឿងទះកំផ្លៀងវិញ តារាស្រី Anne Thongprasom ធ្វើលេងជាមួយលោកតែប៉ុណ្ណោះ ពោលគឺចង់បង្ហាញពីឈុតឆាកទះនៅក្នុងរឿងដែលនាងសម្តែង។ មួយវិញទៀត សម្រាប់លោក និង Anne Thongprasom គឺស្គាល់គ្នាណាស់យូរមកហើយ ចំណែករឿងដែលកើតឡើងវាមិនមែនជាចេតនានោះទេ គ្រាន់តែជាការលេងសើចតែប៉ុណ្ណោះ។
យ៉ាងណាមិញ DJ Nui ក៏បានបញ្ជាក់ទៀតថា លោកក៏អរគុណសម្រាប់អ្នកគាំទ្រដែលតែងតែបារម្ភ និង មិនគាំទ្ររាល់ទង្វើហិង្សាលើបុគ្គលណាមួយ តែលោកសូមបញ្ជាក់ថា នេះគ្រាន់តែជាការលេងសើចតែប៉ុណ្ណោះ៕ សូមចុចខាងក្រោមដើម្បីទស្សនាវីដេអូ៖
