អ្នកគាំទ្រស្រឡាំងកាំង! Liu Yifei ដើរបីកូនចេញពីពេទ្យ ទម្រាំដឹងការពិតប្រហោងពោះធ្លុង
កាលពីពេលថ្មីៗនេះ នៅលើបណ្តាញសង្គមក្នុងប្រទេសចិន បានមានការភ្ញាក់ផ្អើលជាខ្លាំង បន្ទាប់ពីបានឃើញរូបថតរបស់តារាសម្ដែងស្រី Liu Yifei ដើរបីទារកតូចទើបនឹងកើត ចេញពីមន្ទីរពេទ្យទាំងប្រញាប់ប្រញាល់ជាមួយនឹងតារាសម្ដែងប្រុស Lin Gengxin ដោយត្រូវបានគេយកទៅចែកចាយពាសពេញនៅលើបណ្តាញសង្គម បង្កជាភាពភ្ញាក់ផ្អើលស្មានមិនដល់ថា នាងមានផ្ទៃពោះពីពេលណាមក។
ទោះជាយ៉ាងណាក៏ដោយ រឿងរ៉ាវដ៏ក្តៅគគុកនេះ ត្រូវបានស្រាយចម្ងល់របស់មហាជនជាមួយនឹងការបង្ហាញយ៉ាងច្បាស់ៗថាជាការថតរឿងភាគថ្មី «The Tale of Rose» ប៉ុណ្ណោះ ហើយក៏ធ្វើឱ្យទស្សនិកជនកាន់តែចាប់អារម្មណ៍ខ្លាំងផងដែរ ដោយសារតែ Liu Yifei និង Lin Gengxin បានប៉ះគ្នាចាប់ដៃគូសម្ដែងជាលើកទីមួយ។
ហើយកន្លងមករូបថតក្រៅឆាកសម្ដែងរបស់តារាទាំងពីររូបនេះ ដែលបង្ហោះចែកចាយនៅលើបណ្តាញសង្គម ត្រូវបានទស្សនិកជនជឿហើយថាជាការថតសម្ដែងក្នុងរឿងថ្មី បន្ទាប់ពីលេចធ្លាយព័ត៌មានចចាមអារ៉ាមថា Liu Yifei មានផ្ទៃពោះ៕
