(វីដេអូ) មិននឹកស្មាន! វ៉ាត វ៉ាន់ មានប្រវត្តិក្រខ្សត់ខ្លាំង មុនក្លាយជាយុវជនជំនាញផាត់មុខ និង គូររូបលេីផ្ទៃមុខ

កន្លងមកនេះ មហាជនអ្នកលេងបណ្តាញសង្គមហ្វេសប៊ុក និង Tik Tok ធ្លាប់បានចែករំលែក និង សរសើរយ៉ាងខ្លាំងដល់យុវជនខ្មែរមួយរូបឈ្មោះថា វ៉ាត វ៉ាន់ ដែលមានទេពកោសល្យច្នៃប្រឌិតខ្លាំងក្នុងការគូររូបភាពផ្សេងៗជាអត្តសញ្ញាណប្រទេសកម្ពុជា នៅលើផ្ទៃមុខរបស់ខ្លួន។

ក្នុងនោះ វ៉ាត វ៉ាន់ មិនត្រឹមតែបានគូររូបនៅលើផ្ទៃមុខបង្ហាញពីអត្តសញ្ញាណនៃប្រទេសកម្ពុជារួមមាន ផែនទីកម្ពុជា ប្រាសាទអង្គរវត្ត អប្សរា ល្ខោនខោល ដើមត្នោត ទិដ្ឋភាពក្នុងក្រុងភ្នំពេញ ម្ហូបហហ្មុក និង រូបប្រាសាទកោះកេរនោះទេ តែលោកក៏បានផាត់មុខបែបច្នៃប្រឌិតទៅតាមតួអង្គល្បីៗ និង រូបភាពផ្សេងៗជាច្រើនទៀតផងដែរ។

ម្យ៉ាងវិញទៀត ទន្ទឹមនឹងការផោត់មុខដ៏ប៉ិនប្រសប់ និង ស្រស់ស្អាតនេះដែរ អ្វីដែលមហាជនកាន់តែចាប់អារម្មណ៍ទៀតនោះគឺ ក្នុងវីដេអូពីមួយទៅមួយ យុវជន វ៉ាត វ៉ាន់ ក៏បានរៀបរាប់យ៉ាងក្បោះក្បាយ សម្រាយពីអត្ថន័យនៃប្រាសាទកោះកេរជាភាសាអង់គ្លេសយ៉ាងជក់ចិត្តទៀតផង។

យ៉ាងណា ងាកទៅកាន់ប្រវត្តិនៃដំណើរក្លាយទៅជាអ្នកគូររូបលើមុខ ទទួលបានការចាប់អារម្មណ៍បែបនេះ ថ្មីនេះ វ៉ាត វ៉ាន់ បានធ្វើកិច្ចសម្ភាសក្នុងកម្មវិធី «ជីវិតខ្ញុំ» និង បានរៀបរាប់ពីជីវិតពិតរបស់ខ្លួនថា គឺជាកុមារក្រីក្រ ដែលកើតចេញពីការបណ្តុះបណ្តាលរបស់អង្គការមួយ៕

សូមទស្សនាវីដេអូខាងក្រោម៖