(វីដេអូ) មួយជាតិការម្តង! Chen សមាជិក EXO លេងអស់ដៃ តុបតែងផ្កាស្រស់ពេញរោង ស្រស់ស្អាតខ្លាំងណាស់!

កាលពីឆ្នាំ ២០២០ កន្លងទៅ Chen សមាជិកក្រុមចម្រៀង EXO បានធ្វើឱ្យមហាជនអ្នកគាំទ្ររបស់ខ្លួនជាច្រើន មានការរំភើប និង ភ្ញាក់ផ្អើលជាខ្លាំង ដោយលោកបានប្រកាសពីដំណឹងរៀបអាពាហ៍ពិពាហ៍នាពេលឆាប់ៗខាងមុខ និង ដំណឹងដែលខ្លួនកំពុងតែត្រៀមស្វាគមន៍បុត្រដំបូងរបស់គេ។

ជាមួយគ្នានោះ ៣ ឆ្នាំបានកន្លងទៅ ពោលគឺនៅថ្ងៃទី ២២ ខែតុលា ឆ្នាំ ២០២៣ ពេលវេលាដែលអ្នកគាំទ្រជាពិសេស EXO-L បានទន្ទឹងរង់ចាំជាយូរក៏បានមកដល់។ Chen រួមជាមួយនឹងភរិយាបានរៀបចំកម្មវិធីមង្គលការរបស់ពួកគេយ៉ាងអធិកអាធម ដោយមានការចូលរួមយ៉ាងច្រើនកុះករពីសំណាក់មិត្តក្រុមគ្រួសារ មិត្តភក្តិ ព្រមទាំងមិត្តរួមសិល្បៈ។

យ៉ាងណាមិញ បើក្រឡេកទៅមើលការដេគ័រក្នុងកន្លែងកម្មវិធីវិញ មហាជនអ្នកគាំទ្រជាច្រើនពិតជាសរសើរមិនដាច់ពីមាត់នោះឡើយ ពីការរៀបចំផ្ការស្រស់ ព្រមទាំងទេសភាពថ្ងៃលិចដែលបានឆ្លុះចូលខាងក្នុងនៃកម្មវិធី ដែលធ្វើឱ្យថ្ងៃដ៏ពិសេសរបស់សមាជិក EXO រូបនេះកាន់តែឱឡារិកក្រៃលែង៕ ដើម្បីជ្រាបកាន់តែច្បាស់ សូមចុចទីនេះដើម្បីទស្សនាវីដេអូ