តារាប្រុសស្រីផ្ទុះប្រតិកម្ម ក្រោយ នាយក្រឹម លើកឡើងពីភេទទី ៣ ថាជាការបាត់បង់ធនធានមនុស្ស

ថ្មីៗនេះ មហាជនអ្នកលេងបណ្តាញសង្គមហ្វេសប៊ុកប្រាកដជាបានជ្រាបមកហើយ នូវការប្រតិកម្មយ៉ាងខ្លាំងទៅកាន់តារាកំប្លែងជើងចាស់លោក អ៊ូ ប៉ុណ្ណារ៉ាត់ ហៅ នាយក្រឹម នៅក្នុងកម្មវិធី Cambodia’s Got Talent រដូវកាលទី ៣។

នៅថ្ងៃទី ២៨ ខែតុលា ឆ្នាំ ២០២៣ ក្នុងវគ្គ Live Show សប្ដាហ៍ទី ៣ ក្នុងនាមជាគណៈកម្មការ នាយក្រឹម បាននិយាយនៅក្នុងកម្មវិធីពីការបាត់បង់ធនធានមនុស្ស ព្រោះតែមានភេទទី ៣ ក្រោយការបង្ហាញសមត្ថភាពរបស់បេក្ខជនមួយរូប ដែលជាភេទទី ៣ ឈ្មោះ ណុប ដាណេ និង ត្រូវបានគេស្គាល់ថាជាបងប្រុសរបស់ពិធីការិនី ណាក់ ស្រីណា ឡើងបញ្ចេញសមត្ថភាពរួចរាល់។

ពាក្យពេចន៍ជាច្រើនរបស់ នាយក្រឹម បានធ្វើឱ្យមហាជន និង សិល្បករ សិល្បការិនី ជាច្រើនផ្ទុះប្រតិកម្ម និង លើកឡើងថា ការបញ្ចេញមតិរបស់ នាយក្រឹម ហាក់ជាការរើងអើងអ្នកស្រឡាញ់ភេទដូចគ្នា។ យ៉ាងណាមិញ រឿងក្តៅគគុកមកដល់ថ្ងៃនេះ នាយក្រឹម ក៏មិនទាន់បានចេញមុខបកស្រាយ ឬឆ្លើយតបអ្វីនៅឡើយនោះទេ៕

សូមចុចខាងក្រោម ដើម្បីទស្សនាវីដេអូ៖