ពូកែណាស់! ណូ ហ្វារីដា ដណ្ដើមបានលំដាប់រងទី ៣ ក្នុងកម្មវិធី Miss Teen Of The Universe 2023 នៅឥណ្ឌា

កាលពីថ្ងៃទី ០៤ ខែវិច្ឆិកា ឆ្នាំ ២០២៣ កន្លងទៅ កម្មវិធីប្រកួតសម្រស់ Miss Teen Of The Universe បានបញ្ចប់ទៅយ៉ាងរលូនហើយ ដោយក្នុងនោះសម្រាប់ម្ចាស់មកុដនាឆ្នាំ ២០២៣ នេះ បានទៅលើបវរកញ្ញាប្រទេស Nederland ។

ដោយឡែក ងាកមកមើលបវរកញ្ញាខ្មែរយើងវិញ យុវតី ណូ ហ្វារីដា ក៏មិនធម្មតាដែរ ដោយស្រីស្អាតរូបនេះទទួលបានលំដាប់រងទី ៣ ក្នុងកម្មវិធី។ សម្រាប់ស្រីស្រស់ ណូ ហ្វារីដា គឺជាលើកដំបូងហើយក្នុងការប្រកួតលើឆាកអន្តរជាតិ តែស្រីស្រស់រូបនេះពិតជាខិតខំប្រឹងប្រែងយ៉ាងខ្លាំងរហូតអាចនាំជ័យលាភីឱ្យកម្ពុជាបានដែលនាំឱ្យប្រជាជនខ្មែររំភើបចិត្ត និង ចូលរួមត្រេកអរព្រោងព្រាត។

ក្រោយពីនាំមកុដលំដាប់រងទី ៣ ឱ្យកម្ពុជាបាន ស្រីស្រស់ ណូ ហ្វារីដា បានបង្ហាញអារម្មណ៍ថា ៖ «នាងខ្ញុំពិតជាអរគុណដល់ប្រជាជនរបស់ខ្ញុំទាំងអស់គ្នា ដែលផ្តល់កម្លាំងចិត្តដល់រូបខ្ញុំក្នុងពេលប្រកួត នាងខ្ញុំបានប្រឹងប្រែងអស់ពីសមត្ថភាពរបស់នាងខ្ញុំហេីយដេីម្បីមាតុភូមិ និង ប្រជាជនរបស់ខ្ញុំ នេះជាលទ្ធផលដែលនាងខ្ញុំទទួលបានជាតំណែង 3rd runner up Miss teen of the universe អរគុណដល់ម៉ាក់ប៉ាបងប្រុស និងបងៗ មិត្តភក្តិទាំងអស់គ្នាដែលជួយខ្ញុំមុនពេលមកប្រកួត​ និងក្នុងពេលប្រកួត»៕