ត្រៀមហ៊ោសប្បាយទៅ! ស្រីស្អាត HyunA តារា K-Pop ល្បី នឹងលេចវត្តមានច្រៀងនៅប្រទេសកម្ពុជាលើកដំបូង

ទោះបីជាបានឈានចូលសិល្បៈយូរឆ្នាំទៅហើយក្ដី តារាចម្រៀងទោលកូរ៉េខាងត្បូង HyunA នៅតែត្រូវបានអ្នកគាំទ្រចាត់ទុកថាជា «រាជិនីសិចស៊ី K-Pop» ដោយសារតែស្ទីលនៃការតែងខ្លួនសិចស៊ីប្លែកៗ ទាញយកការចាប់អារម្មណ៍ពីអ្នកគាំទ្រច្រើនរាប់មិនអស់របស់នាង។​

យ៉ាងណាមិញ ជារឿងដ៏គួរឱ្យភ្ញាក់ផ្អើលសម្រាប់អ្នកគាំទ្រក្នុងប្រទេសកម្ពុជា ដោយកាលពីថ្ងៃទី ៩ ខែ វិច្ឆិកា ឆ្នាំ២០២៣ នេះ គណនីហ្វេនផេកតូចធំជាច្រើនរបស់វិស័យចម្រៀង K-pop បានបង្ហោះសារប្រាប់ពីដំណឹងរបស់តារាកូរ៉េ HyunA ដែលនឹងត្រៀមមកអង្រួនឆាក និង ជួបអ្នកគាំទ្ររបស់នាងជាលើកដំបូងក្នុងប្រទេសកម្ពុជា។

លើសពីនេះទៅទៀតនោះ មិនមែនមានត្រឹមតែតារាស្រី HyunA តែមួយរូបប៉ុណ្ណោះទេ ក្នុងពេលឆាប់ៗខាងមុខក៏មានវត្តមានរបស់កំពូលតារាប្រុស Rain មកជាមួយផងដែរ។ គួរឱ្យដឹងផងដែរថា ការប្រគំតន្រ្តីនោះមានឈ្មោះថា GANZBERG តន្រ្តីលំដាប់ពិភពលោក GANZBERG Super Idol Concert នឹងប្រព្រឹត្តនៅថ្ងៃទី ២៧ ខែមករា ២០២៤៕