សមសួនណាស់! Momo Team តែងខ្លួនយ៉ាងស្រស់សោភា ដៃរំលេចប្រទីបអបអរព្រះរាជពិធីបុណ្យអុំទូក
ជាការពិតណាស់ខណៈពិធីបុណ្យអុំទូក បណ្ដែតប្រទីប និង សំពះព្រះខែ អកអំបុក បានមកដល់ហើយ គេឃើញមានមហាជន ក៏ដូចជាតារាក្នុងសិល្បៈមួយចំនួនធំបាននាំគ្នាតុបតែងខ្លួនក្នុងឈុតបុរាណ និង ក្នុងដៃរំលេចដោយប្រទីប ដើម្បីជាការអបអរសាទរដល់ព្រះរាជពិធីបុណ្យមួយនេះ។
យ៉ាងណាមិញ ងាកមកចាប់អារម្មណ៍តារាភេទទី ៣ ទាំង ៤ រូប ដែលគេស្គាល់ថាជាក្រុម Momo Team វិញ ក៏បាន និង កំពុងធ្វើឱ្យបណ្តាអ្នកលេងបណ្តាញសង្គមហ្វេសប៊ុកផ្ទុះមានការចាប់អារម្មណ៍ជាខ្លាំង ក្រោយពីបានឃើញពួកគេគ្រងនូវឈុតបែបខ្មែរយ៉ាងស្រស់សោភា អបអរព្រះរាជពិធីបុណ្យអុំទូកនេះ ដែលរំលេចឱ្យឃើញពីភាពសមសួនខ្លាំងណាស់។
ក្នុងនោះក៏មានមតិជាច្រើនពីអ្នកគាំទ្របានចូលទៅខំមិនពីក្រោមរូបភាពនោះព្រោងព្រាត ដោយមហាជនជាច្រើនបានសរសើរ និង ខ្លះទៀតក៏បានដាក់ជារូបបេះដូង នៅពេលដែលបានឃើញតារាសំណព្វចិត្តរបស់ខ្លួនគ្រងឈុតខ្មែរយ៉ាងស្រស់ស្អាតបែបនេះ៕
