Pat នៅតែរក្សាស្នេហ៍ស្មោះជាមួយនឹងសង្សារថ្មី ទោះបីអតីតស្វាមីចេញពីគុកមានសេរីភាព

បន្ទាប់ពី Ben Racing ចេញពីគុករឿង រ៉ាវអតីតស្នេហារបស់តារាសម្ដែងស្រី Pat Napapa ត្រូវបានមហាជនមួយចំនួនគាស់កកាយឡើងវិញ ដោយអ្នកខ្លះទន្ទឹងចាំមើលថាតើតារាស្រី Pat នឹងត្រឡប់ទៅរកអតីតស្វាមីវិញឬយ៉ាងណា ព្រោះពេលនេះនាងកំពុងតែមានសង្សារថ្មីដែលជាបុរសសង្ហាមានអាយុប្អូនដល់ទៅ ១៤ ឆ្នាំនោះ។

ជាការពិត ទោះមហាជនមានមន្ទិលត្រង់ចំណុចនេះ ក៏ស្រីស្រស់ Pat មិនបានចេញមកទម្លាយឱ្យបានច្បាស់ដែរថានាងនឹងសម្រេចិត្តបែបណា តែយ៉ាងណាក៏មានមហាជនមួយចំនួនបានសន្និដ្ឋានហើយថា Pat មិនអាចត្រឡប់ទៅសាងគ្រួសារជាមួយអតីតស្វាមីវិញឡើយ ព្រោះនាងបានជួបមនុស្សថ្មីដែលនាងពេញចិត្តខ្លាំង។

តួយ៉ាង កាលពីថ្ងៃបុណ្យបណ្តែមប្រទីបកន្លងទៅ ស្រីស្រស់ Pat និង គូស្នេហ៍វ័យក្មេងកាន់ដៃគ្នាទៅមើលកាំជ្រួច និង បង្ហោះរូបភាពគូតែពីរនាក់ជាលើកដំបូងបន្ទាប់ពីមានរឿងរ៉ាវមួយប្រាវធំ ដែលបញ្ជាក់ឱ្យឃើញថា ទោះបីអតីស្វាមីនាងមានសេរីភាពក៏នាងនៅតែជ្រើសរើសយកសង្សារថ្មីរបស់នាងដដែល។ ទន្ទឹមនឹងឃើញបែបនោះ មហាជនក៏បានចូលទៅបញ្ចេញមតិពេញចិត្តព្រោងព្រាតផងដែរ៕