ចាំតួព្រះនាង អាណាធិប ក្នុងរឿង «ភ្លើងព្រះនាង» ទេ? នេះជាតួអង្គទាំងពីរជំនាន់ ម្នាក់ៗល្បីខ្លាំងដល់បច្ចុប្បន្ន

ប្រិយមិត្តដែលបានតាមដានរឿងភាគថៃដែលមានចំណងជើងថា «ភ្លើងព្រះនាង» ច្បាស់ជាបានជ្រាបហើយថា រឿងមួយនេះទទួលបានការគាំទ្រខ្លាំងពីមហាជនក្នុង និង ក្រៅប្រទេស ព្រោះវាបានបង្ហាញឱ្យឃើញពីរឿងរ៉ាវជម្លោះក្នុងរាជដំណាក់ និង ល្បិចកិច្ចកលកផ្សេងៗ។

ទន្ទឹមនឹងមានការគាំទ្រ រឿងមួយនេះត្រូវបានផលិករយកមកផលិតឡើងវិញផងដែរ។ តួយ៉ាងមកទល់បច្ចុប្បន្នរឿងនេះចេញបាន ២ Version ហើយ គឺនៅឆ្នាំ ១៩៩៦ និង ២០១៧។ តាមរយៈសាច់រឿងឆ្នាំនីមួយៗមហាជនហាក់ពេញចិត្តទៅនឹងការសម្ដែងរបស់តួអង្គព្រះនាង អាណាន់ធិប ដោយតួអង្គនេះសម្ដែងឡើងសុទ្ធសឹងតែកំពូលតារាសម្ដែងជួរមុខពេញដោយទេពកោសល្យ។

សម្រាប់ Version ដំបូង តួព្រះនាង អាណាន់ធិប គឺសម្ដែងដោយកំពូលតារាសម្ដែងស្រីជើងចាស់ Chamaiporn Jaturaput បច្ចុប្បន្នមានអាយុ ៦០ ឆ្នាំ ជាតារាសម្ដែងម្នាក់ដែលនៅបន្តអាជីពសម្ដែងមករហូត នេះក៏ព្រោះតែសមត្ថភាព និង រូបសម្រស់លោកស្រីនៅតែស្រស់ស្អាត។

ដោយឡែក សម្រាប់ Version ទី ២ ដែលផលិតឡើង និង ចាក់ផ្សាយក្នុងឆ្នាំ ២០១៧ គឺតួព្រះនាង អាណាន់ធិប សម្ដែងឡើយដោយកំពូលតារាសម្ដែងស្រីថៃជួរមុខ Aum Patchrapa បច្ចុប្បន្នមានអាយុ ៤៤ ឆ្នាំ។ ក្នុងនោះ បើនិយាយពីរូបសម្រស់ និង ភាពល្បីល្បាញវិញគឺស្រីស្រស់រូបនៅតែឈរលើចំណាត់ថ្នាក់លេខ ១ មករហូត៕