សុទ្ធតែជើងខ្លាំង! អ្នកគាំទ្រកំពុងអ៊ុតមើល Top 7 តើម្នាក់ណានឹងបំបុកយកឈ្នះពាន The Rapper Cambodia
ធ្មេចបើកៗកម្មវិធី The Rapper Cambodia បានកៀកនឹងដល់វគ្គផ្តាច់ព្រ័ត្រហើយ នៅថ្ងៃទី ២៤ ខែធ្នូ ឆ្នាំ ២០២៣ ខាងមុខនេះ ក្រោយពីប្រកួតអស់ជាច្រើនខែ និង ស្វែងរកឃើញបេក្ខភាពឆ្នើម ៧ រូប ដើម្បីដណ្តើមយកជ័យលាភីឯក។
ក្នុងនោះ បេក្ខភាព Top 7 ដែលនឹងត្រៀមបង្ហាញសមត្ថភាពដ៏អស្ចារ្យលើឆាកប្រកួតវគ្គផ្តាច់ព្រ័ត្រ រួមមាន YuuHai, Goofy, NighTee, ZeDes, G-One, Ramii និង BoBo។
ជាការពិតណាស់ បេក្ខភាពដ៏ឆ្នើមទាំង ៧ រូបខាងលើ គឺសុទ្ធសឹងតែជាបេក្ខភាពមានសមត្ថភាពដ៏អស្ចារ្យ និង មានការគាំទ្រភ្លូកទឹកភ្លូកដីពីសំណាក់មហាជនគ្រប់ស្រទាប់យុវវ័យ ជាពិសេសអ្នកស្នេហាវិស័យចម្រៀងរ៉េប។
លើសពីនោះ កាន់តែកៀកថ្ងៃផ្តាច់ព្រ័ត្រមហាជនអ្នកគាំទ្រក៏បានទាយទុក Idol ក្នុងដួងចិត្តរបស់ខ្លួនថានឹងអាចលើកពានរង្វាន់ The Rapper Cambodia នេះ ជាក់ជាមិនខាន។ យ៉ាងណា សម្រាប់លទ្ធផលបែបណា មហាជនមានតែរង់ចាំតាមដានទស្សនានៅថ្ងៃផ្តាច់ព្រ័ត្រ និង ចូលរួមបោះឆ្នោតឱ្យ Idol ក្នុងចិត្តរបស់លោកអ្នកតែប៉ុណ្ណោះ៕
