អ្នកគាំទ្រខ្លោចចិត្តអាណិត! Shang Qi ខំស្លៀករ៉ូបទម្ងន់ ៤០ គីឡូ ប្រឹងដល់ឈាមច្រមុះ
ថ្មីៗនេះ នៅលើបណ្តាញសង្គម Weibo មានការភ្ញាក់ផ្អើលយ៉ាងខ្លាំង ដោយសារតែបានឃើញរូបថតតារាសម្ដែងស្រី Shang Qi ចូលរួមក្នុងកម្មវិធី Tencent Video All Star Night 2023 ដើរលើកម្រាលព្រំក្រហមជះសម្រស់យ៉ាងស្រស់ ក្នុងរ៉ូបរាត្រីសមោលសរពណ៌សភ្លឺចែងចាំង។
ទោះជាយ៉ាងណា តារាស្រីរូបនេះបានធ្វើឱ្យអ្នកនៅទីនោះមានការភ្ញាក់ផ្អើលយ៉ាងខ្លាំង ព្រោះសុខៗស្រាប់តែនាងហូរឈាមពីច្រមុះទាំងមិនដឹងខ្លួន ហើយចង់ដឹងថា Shang Qi មានបញ្ហាអ្វីកើតឡើងចំពោះនាងនៅពេលចូលរួមក្នុងកម្មវិធីនោះ។
ដើម្បីកុំឱ្យអ្នកគាំទ្រមានការព្រួយបារម្ភចំពោះនាង ថ្មីៗនេះ Shang Qi ក៏បានចេញមកបកស្រាយនៅលើ Weibo ដោយនិយាយលម្អិត នៅថ្ងៃកើតហេតុថា ៖ «ក្រោយពីការតុបតែងខ្លួនអស់ ៧ ម៉ោង ដើម្បីចូលរួមក្នុងកម្មវិធី Tencent Video All Star Night 2023 ដើរលើកម្រាលព្រំក្រហម។ ពេលនៅសណ្ឋាគារ បុគ្គលិកបានគោះទ្វារដើម្បីទទួលខ្ញុំ ទៅចូលរួមកម្មវិធីនារាត្រីនោះ ខ្ញុំមិនមានពេលច្រើនទេសូម្បីតែពេលពាក់ស្បែកជើងកែង ដោយសារតែពាក់រ៉ូបទម្ងន់ ៤០គីឡូ។ ដោយរត់ទាំងប្រញាប់ប្រញាល់ទាំងជើងទទេទៅចំណតឡាន ខ្ញុំជំពប់ជើងដួលច្រើនដង ហើយប្រឹងក្រោកឡើងម្ដងហើយម្ដងទៀត រត់ចូលឡាន។ ម៉ាក់ខ្ញុំក៏ទៅតាមខ្ញុំដែរ ដោយសារតែគាត់បារម្ភខ្ញុំ ទោះហត់អស់កម្លាំងគាត់តាមខ្ញុំទាំងយប់»៕
