សង្វេគណាស់! តារាបង្ហាញម៉ូដចិន Jessica Du គេងនៅលើគ្រែពេទ្យ ទាំងបាត់ប្រអប់ដៃឆ្វេង
តារាបង្ហាញម៉ូដចិនរូបស្រស់ Jessica Du ភាគច្រើននាងចូលចិត្តចែករំលែកការដើរកម្សាន្តលក្ខណៈជិះស្គីទឹកកក និង ការធ្វើដំណើរផ្សងព្រេងបង្ហោះចែកចាយដល់អ្នកគាំទ្រនៅលើបណ្តាញសង្គមរបស់នាង។
ដោយឡែក ស្រាប់តែកាលពីពេលថ្មីៗនេះ តារាស្រីរូបនេះបានធ្វើឱ្យអ្នកគាំទ្ររបស់នាង ក៏ដូចជាអ្នកនិយមលេងក្នុងបណ្តាញសង្គមមានការភ្ញាក់ផ្អើលនឹងស្រឡាំងកាំងជាខ្លាំង បន្ទាប់ពីបានឃើញរូបថតរបស់នាងបង្ហោះគេងសម្រាកនៅមន្ទីរពេទ្យ ហើយប្រអប់ដៃខាងឆ្វេងបានរុំបង់របួស ក្រោយពីជួបឧបទ្ទវហេតុមួយ។
សម្រាប់ព័ត៌មានដាច់ប្រអប់ដៃខាងឆ្វេងរបស់ Jessica Du បានបង្ហើបថា នាងបានឆ្លងកាត់ការវះកាត់លើកទី ២ មកហើយ នេះជាលើកទី ៣ ដែលត្រូវវះកាត់បំពាក់ជាមួយនឹងដៃយន្តឆាប់ៗនេះ។
ទោះបីជានាងបានបាត់បង់ប្រអប់ដៃខាងឆ្វេងមែន ប៉ុន្តែនាងមិនបានបញ្ជាក់ប្រាប់ពីមូលហេតុពិតប្រាកដនោះទេ គ្រាន់តែនិយាយថា មិនមែនជួបគ្រោះថ្នាក់ពេលធ្វើដំណើរផ្សងព្រេងនោះទេ៕
