អនាគតសេដ្ឋីចំតួ! Ken ក្ដាប់ការងារសិល្បៈពេញដៃហើយ នៅឆ្លៀតចាប់របរបញ្ចេញញើសមួយទៀត

ជឿថាប្រិយមិត្តច្បាស់ជាស្គាល់ជាក់ជាពុំខានតារាសម្ដែងប្រុសរូបសង្ហាលោក Ken Phupoom ដែលជាតារាប្រុសម្នាក់មានសមត្ថភាពសម្ដែងល្អ និង មានការគាំទ្រខ្លាំងពីសំណាក់មហាជនទាំងក្នុង និង ក្រៅស្រុក។

មកទល់ពេលនេះ Ken ក៏បានចាកចេញពីស្ថានីយទូរទស្សន៍ ប៉ុស្តិ៍លេខ ៣ ហើយដែរ ដោយត្រឡប់ទៅធ្វើជាតារាសម្ដែងឯករាជ្យវិញ។ អ្វីដែលពិសេស បន្ទាប់ពីក្លាយជាតារាឯករាជ្យ តារាប្រុសរូបនេះក៏បានឆ្លៀតរៀនបន្តនៅអង់គ្លេសទាល់តែចប់ផងដែរ។

មួយវិញទៀត អ្វីដែលអ្នកគាំទ្រភ្ញាក់ផ្អើលនោះគឺ ទន្ទឹមនឹងការងារសិល្បៈពេញដៃហើយនោះ ថ្មីៗនេះអ្នកកំលោះរូបនេះហាក់មិនទុកខ្លួនឱ្យនៅទំនេរទេ ឆ្លៀតទៅទិញដីមួយកន្លែងទៀតដើម្បីដាំដំណាំ ពោលគឺ លោកបានបង្ហោះថា លោកនឹងយកដីនេះធ្វើជាចំការទុរ៉េន រហូតមហាជនឃើញហើយលាន់មាត់វ៉ាវ និង ហៅអ្នកកំលោះ Ken ថាជា អនាគតសេដ្ឋីវ័យក្មេងទៀត៕