អ្នកគាំទ្រគាំងនិយាយលែងចេញ! បុរសមាឌមាំ Ma Dong Seok ប្រើស្រោមទូរស័ព្ទ Hello Kitty ឡើងឃ្យូត
ទស្សនិកជននិយមតាមដានរឿងភាគកូរ៉េច្បាស់ជាបានស្គាល់ហើយ តារាសម្ដែងប្រុសមាឌមាំ Ma Dong Seok ធ្លាប់សម្ដែងក្នុងរឿង «Train To Busan», «Unstoppable» និង «The Roundup» បើទោះបីលោកមិនមែនជាតួឯកប្រុស ប៉ុន្តែរឿងភាគល្បីៗទាំងនេះ សុទ្ធសឹងតែជារឿងមានចំនួនអ្នកទស្សនាច្រើន។
ទោះយ៉ាងណា កាលពីពេលថ្មីៗនេះ ក៏ឃើញមានអ្នកគាំទ្របានចាប់អារម្មណ៍លើលោក Ma Dong Seok ជាខ្លាំង ពិសេសលើស្រោមទូរស័ព្ទដៃ Hello Kitty ពណ៌ផ្កាឈូករបស់លោក មើលទៅគួរឱ្យស្រឡាញ់ដោយមិននឹកស្មានថាលោកក៏ជាអ្នកគាំទ្រផ្គាប់មុខរបស់ Hello Kitty ដែរ។
ក្រោយពីបានឃើញកាយវិការគួរឱ្យក្នាញ់របស់តារាប្រុសវ័យ ៥២ ឆ្នាំរូបនេះ អង្គុយចុចទូរស័ព្ទចាប់នឹងដៃបែបនេះទៀត ធ្វើឱ្យអ្នកនិយមលេងអ៊ីនធឺណេតកាន់តែគាំងរកនឹកនិយាយអ្វីមិនចេញ ព្រោះមើលទៅ Ma Dong Seok បុរសដែលមានមាឌមាំសង្ហាៗក៏ចេះប្រើរបស់ Cute Cute បែបនេះដែរ៕
