ភ្ញាក់ផ្អើល! អ៊ីណូ ហៅក្មេងប្រុសជំទង់ម្នាក់ថាកូនពេញមាត់ ពិសេសនាមត្រកូលបញ្ជាក់ថាជាសាច់ឈាមពិតៗ

ថ្មីៗកន្លងទៅ លើបណ្ដាញសង្គមហ្វេសប៊ុក មហាជនអ្នកគាំទ្ររបស់តារាចម្រៀងប្រុស សាន សុភារិទ្ធ ហៅក្នុងសិល្បៈថា អ៊ីណូ បានផ្ទុះការចាប់អារម្មណ៍ និង មានការភ្ញាក់ផ្អើលជាខ្លាំង ខណៈបានឃើញគណនីហ្វេសប៊ុករបស់តារាចម្រៀងប្រុសរូបនេះបង្ហោះពីក្មេងប្រុសវ័យជំទង់ម្នាក់ដែលជាបេក្ខភាព Freshie Boy ម្នាក់ឈ្មោះថា សាន រុងឬទ្ធិ។

ពិតណាស់ អ្វីដែលធ្វើឱ្យមហាជនហាក់ភ្ញាក់ផ្អើលចំពោះការបង្ហោះនេះ ព្រោះកន្លងមកគេពុំធ្លាប់ដែលឃើញតារាចម្រៀងប្រុសរូបនេះ បង្ហាញពីរឿងរ៉ាវជីវិតឯកជនរបស់លោកឡើយ ជាពិសេសគឺពាក់ព័ន្ធនឹងរឿងមានកូន ហើយស្រាប់តែពេលនេះ លោកបង្ហោះបង្ហាញពីក្មេងវ័យជំទង់ម្នាក់ ថែមទាំងហៅថាកូនប្រុសពេញៗមាត់ទៀតផង។

ក្នុងនោះ លោក អ៊ីណូ បានសរសេរ Caption ហៅក្មេងប្រុសវ័យជំទង់រូបនោះថា កូនប្រុសពេញៗមាត់ថា ៖ «កូនប្រុសសម្លាញ់ សាន រុងឬទិ្ធ ចង់ប្រាប់ Fan Fan ថា ថ្ងៃនេះ ប៉ាប៉ា ណូណូ Cute ពាក់លេខ 49 នៅស្ថាតអូឡាំពិកល្ងាចនេះណា អរគុណកូន ទិញកៅអៀក យិន ស៊ិន យ៉ាង ធា ឱ្យប៉ាប៉ា ខ្លាចថ្លោះក្រិច។ អបអរសាទរកូនប្រុស ប៉ាប៉ា សាន រុងឬទ្ធិ ដែលកូនបានទទួលជ័យជម្នះក្នុងការទទួលពានផ្នែកប្រជាប្រិយភាពបំផុត និង ឈានដល់ Top 6 ក្នុងកម្មវិធី Freshie Cambodia»៕