![មិនជ្រេតាមអាយុ! ពៅ សុជាតា មានកូនស្រីធំៗអស់ហើយ តែទាំងសម្រស់ និង សំឡេងនៅចាំដូចដើម](https://www.popular.com.kh/wp-content/uploads/2024/07/Ta-1.jpg)
មិនជ្រេតាមអាយុ! ពៅ សុជាតា មានកូនស្រីធំៗអស់ហើយ តែទាំងសម្រស់ និង សំឡេងនៅចាំដូចដើម
ក្រោយពីផ្អាកក្នុងវិថីសិល្បៈ អស់រយៈពេលមួយរយៈកាលពីពេលកន្លងនោះ តារាចម្រៀង ពៅ សុជាតា បានចាប់ផ្តើមមានវត្តមានសារជាថ្មីនៅក្នុងការចូលរួមច្រៀងនៅក្នុងកម្មវិធីតន្ត្រីជាច្រើន និង ទទួលបានការគាំទ្រដូចមុនដដែល។
បច្ចុប្បន្នតារាចម្រៀងរូបនេះ មិនត្រឹមតែមានអាជីពជាអ្នកចម្រៀងតែប៉ុណ្ណោះនោះទេ ប៉ុន្តែ ពៅ សុជាតា ក៏មានហាងសាឡនផ្ទាល់ខ្លួន ដែលស្ថិតនៅក្នុងផ្សារស្ទឹងមានជ័យថ្មីផងដែរ។ បន្ទាប់ពីប្រាប់ឱ្យដឹងពីការលែងលះគ្នាជាមួយអតីតស្វាមីរួចមកហើយ ពៅ សុជាតា ក៏ក្លាយទៅជាអ្នកមេម៉ាយកូន ២ ដែលត្រូវបានមហាជនលាន់មាត់ថានៅមានសម្រស់ស្រស់ស្អាតដដែល។
ជាការពិតមកដល់ពេលនេះតារាចម្រៀងរូបនេះ មានកូនស្រីចំនួន ២ នាក់រួចហើយ ដោយកូនស្រីច្បងមានវ័យ ១៨ ឆ្នាំ និង កូនស្រីពៅមានអាយុក្បែរ ១៤ ឆ្នាំ។ យ៉ាងណាមិញ បើក្រឡេកមកអ្នកម្តាយស្រស់សោភា ពៅ សុជាតា វិញ បើទោះជាអាយុកើនឡើងជារៀងរាល់ឆ្នាំក៏ពិតមែន តែសម្រស់តារាចម្រៀងស្រីរូបនេះ និង ក្មេងល្ហក់ សម្រស់ក៏មិនដូរក្រមុំមួយចំនួននោះដែរ៕