មិនសូវឃើញបង្ហាញ តែតាមពិត ស្រីភក្ត្រ បេក្ខភាពឆ្នើម MasterChef Cambodia រដូវកាលទី ៣ បានរៀបការសាងគ្រួសាររួចហើយ

អ្នកនិយមតាមដានកម្មវិធី MasterChef Cambodia រដូវកាលទី ៣ ច្បាស់ជាបានស្គាល់ហើយបេក្ខជនឆ្នើម គឹម ស្រីភក្ត្រ ដែលបេក្ខជនរូបនេះតែងឆក់បានការចាប់អារម្មណ៍យ៉ាងខ្លាំងពីសំណាក់អ្នកទស្សនា។

កន្លងមក គេសង្កេតឃើញថា គឹម ស្រីភក្ត្រ មានថ្វីដៃល្អចំពោះការធ្វើម្ហូបណាស់ ហើយអ្វីដែលធ្វើឱ្យអ្នកទស្សនាមិនអាចបំភ្លេចបាននោះ គឺអត្តចរិតរបស់នាង រហូតមានអ្នកលើកឡើងឱ្យជំនួសតំណែង រស្មី ទៀតផង។

ងាកមកកាន់ជីវិតឯកជនក្រៅផ្ទះបាយ MasterChef វិញ បេក្ខជន គឹម ស្រីភក្ត្រ គឺជាអ្នកមកពីខេត្តបន្ទាយមានជ័យ និង មានអាជីពជាគណនេយ្យករ។ ក្នុងនោះដែរ បើចាប់អារម្មណ៍ពីជីវិតគ្រួសារវិញ ថ្មីៗនេះ អ្នកគាំទ្របានឃើញរូបភាពប៉ុន្មានសន្លឹកបង្ហោះឡើងដោយប្អូនស្រីបង្កើតរបស់នាងបានទម្លាយបង្ហាញថា គឹម ស្រីភក្ត្រ បានរៀបការសាងគ្រួសាររួចហើយកាលពីអំឡុងខែធ្នូ ឆ្នាំ ២០២៣ កន្លងទៅ៕