(វីដេអូ) សុគា គីមលាង រត់ទៅរក Speed ទាំងស្លៀកឈុតអប្សរា សំខាន់បានជូនកាបូបមានរូបទង់ជាតិខ្មែរ បង្ហាញក្នុង Live Stream លោកទៀត

មហាជនបានតាមដានព្រឹត្តិការណ៍ GUMBALL 3000 ដែលបានរៀបចំក្នុងប្រទេសកម្ពុជា ច្បាស់ជាបានជ្រាបហើយថា ព្រឹត្តិការណ៍នេះបានឆ្ពោះដំណើរទៅកាន់ខេត្តសៀមរាបហើយ កាលពីថ្ងៃទី ១៦ ខែកញ្ញា ឆ្នាំ ២០២៤ កន្លងទៅនេះ។

ក្នុងក្បួនដំណើរនៃព្រឹត្តិការណ៍ GUMBALL 3000 គឺមានការចូលរួមដោយរថយន្តទំនើបៗ និង មានតារាល្បីៗ អ្នកផលិតមាតិកាល្បីៗលំដាប់អន្តរជាតិ YouTuber ល្បីៗ អ្នកធុរកិច្ច និង អ្នកវិនិយោគនានាជុំវិញពិភពលោកបានចូលរួមផងដែរ។

ជាក់ស្តែង ក្នុងចំណោមអ្នកចូលរួមល្បីៗលំដាប់ពិភពលោកខាងលើនោះ IShowSpeed ដែលជា Youtuber ល្បីល្បាញរបស់សហរដ្ឋអាមេរិក ក៏ទទួលបានការចាប់អារម្មណ៍ខ្លាំងពីប្រជាជនខ្មែរដែរ ដោយលោកត្រូវបានអ្នកគាំទ្រចាំទទួលស្វាគមន៍យ៉ាងកកកុញមិនថានៅក្នុងទីក្រុងភ្នំពេញ និង ទឹកដីខេត្តសៀមរាប។

មកដល់ទឹកដីអង្គរភ្លាម IShowSpeed បានធ្វើដំណើរទៅកាន់ Pub Street និង ធ្វើការ Live Stream លើ Youtube ដោយមានការចូលរួមស្រែកហ៊ោកញ្ច្រៀវ សុំហត្ថលេខាពីអ្នកគាំទ្រកម្ពុជារាប់រយនាក់។ ក្នុងនោះដែរ អ្វីដែលបានធ្វើឱ្យអ្នកគាំទ្រកម្ពុជាមានក្តីរំភើបនោះ គេបានឃើញតារាស្រី និង ជានាដការបាំបុរាណកញ្ញា សុគា គីមលាង ក៏បានរត់ទៅរក IShowSpeed ក្រោយបញ្ចប់ការសម្តែង ជាមួយនឹងឈុតអប្សរានៅឡើយ។

ការបង្ហាញវត្តមានរបស់កញ្ញា សុគា គីមលាង ក្នុង Live Stream របស់ IShowSpeed បានធ្វើឱ្យប្រជាជនកម្ពុជាមានមោទកភាពយ៉ាងខ្លាំង ក៏ព្រោះតារាស្រីរូបនេះ បានរួមចំណែកក្នុងការចែករំលែកវប្បធម៌របស់ខ្មែរទៅកាន់ពិភពលោក តាមរយៈការគ្រង ឈុតអប្សរា ការជូនកាដូជាកាបូប ដែលមានរូបទង់ជាតិកម្ពុជាទៅឱ្យ IShowSpeed ៕

សូមទស្សនា វីដេអូខាងក្រោម៖