មិនគួរឱ្យជឿសោះ! Miss Grand ថៃ Malin បង្ហាញកាយវិការបែបឡកឡាយពេលជិះទូកនៅថៃ ហើយនិយាយថា «Super Big»
ថ្មីៗនេះ រឿងរ៉ាវពាក់ព័ន្ធនឹងនាង Malin ដែលជា Miss Grand Thailand 2024 ក្រោយធ្វើការសម្រក់ទឹកភ្នែកយ៉ាងរហេមរហាមនៅព្រលានយន្តហោះប្រទេសថៃ ដើរតួកម្សត់យំរៀបរាប់បទពិសោធរបស់ខ្លួនដែលបានជួបពេលនៅក្នុងទឹកដីប្រទេសកម្ពុជាកាលពីប៉ុន្មានថ្ងៃកន្លងមកនេះ នៅតែផ្ទុះការចែកចាយវែកញែកយ៉ាងក្ដៅគគុកនៅឡើយក្នុងបណ្ដាញសង្គមនាប្រទេសកម្ពុជា។
ខណៈវីដេអូយំរៀបរាប់នៅព្រលានយន្តហោះនៅមិនទាន់សាបបន្តិចផង ស្រាប់តែមានការបង្ហោះវីដេអូថ្មីមួយទៀតដែលជាវីដេអូសកម្មភាពបេក្ខភាព Miss Grand នាំគ្នាជិះទូកទំនើបនៅប្រទេសថៃ ប៉ុន្តែអ្វីដែលមហាជនចាប់អារម្មណ៍ខ្លាំងបំផុតនោះគឺវត្តមានរបស់នាង Malin ដែលបង្ហាញកាយវិការគួរឱ្យក្នាញ់បែបឡកឡាយជុំវិញរឿងជិះទូកនេះ។
ដូចដែលឃើញក្នុងវីដេអូ នាង Malin ដែលជា Miss Grand Thailand 2024 បានដើរសំដៅឡើងទៅលើទូក ប៉ុន្តែមុននឹងឡើងទូកនាងបានងាកមកកាមេរ៉ារួចលើកមេដៃ ថែមព្រលយពាក្យថា៖ «Super Big» ងាកខ្លួនផ្អៀងផ្អងក្រវាត់សក់ឌឺដងគួរឱ្យក្នាញ់បំផុត៕
