អ្នកគាំទ្រជឿជាក់សមត្ថភាព នួន បូរ៉ា ទោះមិនអាចបន្តក្នុងកម្មវិធី Cambodian Idol តែនឹងល្បីលើវិថីសិល្បៈ
កាលពីរាត្រីថ្ងៃទី ២៧ ខែតុលា ឆ្នាំ ២០២៤ កន្លងទៅនេះ កម្មវិធី Cambodian Idol រដូវកាលទី ៤ បានឈានដល់វគ្គ Live Show សប្តាហ៍ទី ៥ ហើយ ដោយសប្តាហ៍នេះ បានស្វែងរកឃើញបេក្ខជន ៥ រូប អាចបន្តដល់វគ្គពាក់កណ្តាលផ្តាច់ព្រ័ត្រ និង ២ រូបបានចាកចេញពីកម្មវិធី ដោយរួមមានលោក នួន បូរ៉ា និង លោក ទិត សិរីវឌ្ឍនា។
ជាការពិតណាស់ បើទោះជាត្រូវបានចាកចេញពីកម្មវិធី Cambodian Idol រដូវកាលទី ៥ ក្នុងសប្តាហ៍ទី ៥ ព្រមគ្នាក្តី តែលោក នួន បូរ៉ា និង លោក ទិត សិរីវឌ្ឍនា បានធ្វើឱ្យអ្នកគាំទ្រ ក៏ដូចជាគណៈកម្មការមានការសោកស្តាយ និង ចងចាំនូវសមត្ថភាពរបស់អ្នកទាំង ២។
ជាក់ស្តែង មើលលោក នួន បូរ៉ា ឯណោះវិញ លោកបានបង្ហាញទេពកោសល្យ និង ប្រឹងប្រែងអស់កម្លាំងកាយចិត្តនូវវិញ្ញាសា ដែលគណៈកម្មការដាក់ឱ្យ។ ក្នុងនោះ បើទោះជាលោកមិនអាចបន្តទៅកាន់វគ្គពាក់កណ្តាលផ្តាច់ព្រ័ត្រក្តី តែក្តីស្រមៃរបស់លោកក៏មិនបញ្ឈប់នាពេលនេះដែរ។
ក្រឡេកទៅមើលអ្នកគាំទ្រក៏ដូចជាគ្នាដែរ ក្រោយពីលោក នួន បូរ៉ា បានចាកចេញក្នុងសប្តាហ៍នេះ អ្នកគាំទ្របានសម្រក់ទឹកភ្នែកសោកស្តាយសមត្ថភាព Idol របស់ខ្លួន ដែលមិនទាន់បានបង្ហាញអស់នៅឡើយនោះ។ ម្យ៉ាងវិញទៀត មិនថាតែអ្នកគាំទ្រនោះទេ សូម្បីតែគណៈកម្មការក៏ជឿជាក់ថា លោក នួន បូរ៉ា នឹងទទួលបានភាពជោគជ័យខ្លាំងលើវិស័យសិល្បៈនេះ ក៏ព្រោះតែការតស៊ូរបស់លោកអស់រយៈពេលជាច្រើនឆ្នាំមកនេះ៕
