ឈ្មោះហុងស៊ុយ! បេក្ខនារី Top5 របស់ MasterChef ទាំង ៣ រូប សុទ្ធតែមានឈ្មោះ «លីន» ដូចគ្នា
នៅសប្តាហ៍ទី ២៣ នៃកម្មវិធី MasterChef Cambodia រដូវកាលទី ៣ បានស្វែងរកឃើញកំពូលបេក្ខជន Top 5 ហើយ ដោយបានទៅលើ លោក សុធារិទ្ធ, លោក សំអន, កញ្ញា លីនណា, កញ្ញា ម៉ាលីន និង អ្នកនាង លីនដា។
ក្នុងនោះ បេក្ខជន Top 5 ខាងលើសុទ្ធសឹងតែជាបេក្ខជនមានសមត្ថភាព និង ប្រជាប្រិយភាពខ្លាំងនៅលើបណ្តាញសង្គមនានា ដែលជាហេតុធ្វើឱ្យអ្នកគាំទ្រ កាន់តែមិនអាចរង់ចាំបានថា តើបេក្ខជនរូបណានឹងលើកពាន នារដូវកាលនេះ?
ដោយឡែក ក្រឡេកទៅមើលបេក្ខជនឆ្នើមទាំង ៥ ដែលមានបេក្ខនារីចំនួន ៣ នាក់ កំពុងធ្វើឱ្យអ្នកគាំទ្រចាប់អារម្មណ៍ខ្លាំងនឹងឈ្មោះរបស់ពួកគេ គឺ ម៉ាលីន, លីនណា និង លីនដា។
ជាការពិត មូលហេតុដែលទស្សនិកជនអ្នកគាំទ្រកម្មវិធីមួយនេះ នាំគ្នាចាប់អារម្មណ៍ និង លាន់មាត់ថាចៃដន្យខ្លាំងនោះ គឺពួកគេទាំង ៣ សុទ្ធតែមានឈ្មោះ «លីន» ដូចគ្នាៗ។ ក្នុងនោះ អ្នកនិយមគាំទ្រកម្មវិធីនេះ បានលើកឡើងបែបលេងសើចថាឈ្មោះ «លីន» ពិតជាមានហុងស៊ុយមែន ក្នុងរដូវកាលនេះទៀតផង៕
