(វីដេអូ) លើកដំបូង! សមាជិក La Cima Cartel សហការច្រៀងជាមួយព្រះនាងតូច ចេនណា និង រៀមច្បង ឆន សុវណ្ណរាជ

កាលពីប៉ុន្មានថ្ងៃមកនេះ មហាជនអ្នករង់ចាំការបើកព្រឹត្តិការណ៍កីឡាជាតិលើកទី ៤ និង កីឡាជនពិការលើកទី ២ ច្បាស់ជាបានឃើញខ្លះមកហើយ នូវទិដ្ឋភាពសមសម្តែងតាមរយៈបណ្តាញសង្គមហ្វេសប៊ុក និង​ Tik Tok ពីសិល្បករ សិល្បការិនីសម័យបុរាណជាច្រើន។

ក្នុងនោះ គេក៏បានឃើញមានវត្តមានរបស់ក្រុមចម្រៀងយុវវ័យដ៏មានប្រជាប្រិយភាព La Cima Cartel ក៏បានបង្ហាញវត្តមានក្នុងការសមមុនថ្ងៃកម្មវិធីមកដល់ដូចគ្នាដែរ ដោយក្នុងក្រុម La Cima Cartel នឹងសម្តែងចំនួន ២ លើកលើឆាកថ្នាក់ជាតិនេះ។

ជាក់ស្តែង កាលពីថ្ងៃទី ៣០ ខែតុលា ឆ្នាំ ២០២៤ កន្លងទៅ La Cima Cartel បានធ្វើឱ្យអ្នកគាំទ្រស្រែកហ៊ោកញ្ច្រៀវបន្ទាប់ពីបានឃើញវត្តមានរបស់សមាជិក ៣ រូប ក្នុងក្រុមរួមមាន លោក Meezy24K, លោក មុត ភារិន និង លោក All3rgy បានសម្តែងបទចម្រៀងបើកព្រឹត្តិការណ៍ជាតិរួមគ្នានឹង ព្រះនាង នរោត្តម ចេនណា ព្រមទាំង លោក ឆន សុវណ្ណរាជ ។

មិនត្រឹមតែប៉ុណ្ណោះ សមាជិកទាំង ៧ រូប ក៏បានបង្ហាញការបកស្រាយចម្រៀងរួមគ្នាក្នុងពិធីបើក ព្រឹត្តិការណ៍កីឡាជាតិលើកទី ៤ និង កីឡាជនពិការលើកទី ២ ទាំងភ្លៀង ប៉ុន្តែពោរពេញដោយមោទកភាព និង សប្បាយរីករាយយ៉ាងខ្លាំងក្នុងពហុកីឡាដ្ឋានជាតិអូឡាំពិកកាលពីយប់មិញ៕

សូមចុចទីនេះ ដើម្បីទស្សនាវីដេអូ៖