(វីដេអូ) ស៊យ សេងហួរ រំភើបបេះដូងស្ទើរលោតចេញក្រៅ ខណៈសុខៗតារាកូរ៉េ Cha Eunwoo ហុចក្រដាសឱ្យជូតដៃ

ថ្មីៗនេះ អ្នកលេងបណ្តាញសង្គមហ្វេសប៊ុក និង Tik Tok ដែលនិយមតាមដាន Influencer និង​ តារាចម្រៀង ស៊យ សេងហួរ កំពុងផ្ទុះការចាប់អារម្មណ៍យ៉ាងខ្លាំងនូវវីដេអូមួយរបស់លោក ដែលបានចូលរួមកម្មវិធីមួយក្នុងប្រទេសថៃ។

ក្នុងនោះ កម្មវិធីខាងលើ គឺជាការជួបជុំអ្នកគាំទ្រ ជាមួយនឹងតារាចម្រៀង និង សម្តែង ដ៏ស្រស់សង្ហាលោក Cha Eunwoo សមាជិកក្រុមចម្រៀង Astro។

វីដេអូនោះ លោក ស៊យ សេងហួរ បានធ្វើឱ្យអ្នកគាំទ្រ ជាពិសេសហ្វេននារីមានចិត្តលួចច្រណែនយ៉ាងខ្លាំង ក៏ព្រោះតារាកូរ៉េ Cha Eunwoo បានមកកេះស្មាលោក ហុចក្រដាស ដើម្បីឱ្យលោកជូតញើស។ លើសពីនោះទៅទៀត ក្នុងកម្មវិធីបានលេងហ្គេម ហើយលោក ស៊យ សេងហួរ ពិតជាមានសំណាងរហូតត្រូវបានកម្មវិធីដាក់រូបលោក និង​ Cha Eunwoo លើផ្ទាំង LED អមគ្នាទៀតផង។

ជាការពិត មិនត្រឹមតែអ្នកទស្សនាវីដេអូរបស់ Influencer ខាងលើឃើញហើយរំភើបចិត្តនោះទេ ពោលគឺសូម្បីតែសាមីខ្លួន គឺលោក ស៊យ សេងហួរ ក៏រំភើបខ្លាំង បេះដូងស្ទើរលោតចេញក្រៅហើយ ក៏ព្រោះតែថ្ងៃនោះ លោកពិតជាមានសំណាងផ្ទួនៗមែន៕

សូមចុចទីនេះ ដើម្បីទស្សនាវីដេអូ៖