សប្តាហ៍ Sad! សុធារិទ្ធ និង លីនណា ត្រូវចាកចេញពីផ្ទះបាយត្រឹមវគ្គពាក់កណ្តាលផ្តាច់ព្រ័ត្រទាំងសោកសៅ

កាលពីរាត្រីថ្ងៃទី ០៣ ខែវិច្ឆិកា ឆ្នាំ ២០២៤ កន្លងទៅនេះ កម្មវិធីប្រកួតម្ហូបលំដាប់ពិភពលោក MasterChef Cambodia រដូវកាលទី ៣ បាន ឈានមកដល់វគ្គពាក់កណ្តាលផ្តាត់ព្រ័ត្រហើយ ដោយក្នុងនោះបេក្ខជន Top 5 រួមមានលោក សុធារិទ្ធ, កញ្ញា​ ម៉ាលីន, កញ្ញា​ លីនណា, លោក សំអន និង អ្នកនាង លីនដា បានប្រយុទ្ធយ៉ាងក្តៅគគុកក្នុងចង្ក្រានបាយ MasterChef។

ជាលទ្ធផលក្នុងការប្រកួតវិញ្ញាសាជាច្រើនវគ្គនោះ បេក្ខជន ២ រូប ត្រូវចាកចេញពីកម្មវិធី គឺលោក សំ សុធារិទ្ធ និង កញ្ញា លីនណា ខណៈបេក្ខជន ៣ រូប ទៀតបានឡើងទៅកាន់ Top 3 ប្រកួតក្នុងវគ្គផ្តាត់ព្រ័ត្រនាសប្តាហ៍ក្រោយ។

ស្របពេលមានការចូលរួមអបអរសាទរដល់បេក្ខជន Top 3 អ្នកទស្សនាជាច្រើន ជាពិសេសអ្នកគាំទ្រលោក សំ សុធារិទ្ធ និង កញ្ញា ប៊ុន លីនណា​ ក៏មានការសោកស្តាយយ៉ាងខ្លាំង នៃការចាកចេញរបស់អ្នកទាំង ២ នាពេលនេះ។ ក្នុងនោះដែរ អ្វីដែលកាន់តែធ្វើឱ្យអ្នកគាំទ្រក្តុកក្តួល គឺលោក សុធារិទ្ធ និង កញ្ញា លីនណា ត្រូវចាកចេញពីកម្មវិធីទាំងគូក្នុងវគ្គពាក់កណ្តាលផ្តាច់ព្រ័ត្រនេះ៕