មិនបានលើកពាន តែកំលោះ GMENGz បំបុកខ្លួនឱ្យល្បី រហូតបានផលិតចម្រៀងប៉ះរៀមច្បងនៅបារមីទៀត

ជាការពិតណាស់ មហាជនដែលធ្លាប់តាមដានទស្សនាកម្មវិធីប្រកួត The Rapper Cambodia រដូវកាលទី ១ ច្បាស់ជានៅចាំនៅឡើយបេក្ខភាពឆ្នើមមួយរូប គឺលោក GMENGz ជាកូនក្រុមរបស់ Caoch នរិទ្ធ។

យ៉ាងណាមិញ បើទោះជាមិនបានបោះជំហានទៅកាន់វគ្គផ្តាច់ព្រ័ត្រ និង ដណ្តើមពានរង្វាន់ក្តី តារាចម្រៀងរ៉េបពន្លកក្រោយ GMENGz នៅតែក្តោបបានប្រជាប្រិយភាពពីសំណាក់យុវវ័យមិនខុសពីមិត្តរួមការប្រកួតនោះឡើយ។

ជាក់ស្តែង ក្រោយពីបញ្ចប់ការប្រកួត GMENGz ក៏បានផលិតបទចម្រៀងថ្មីជាបន្តបន្ទាប់ ដោយទទួលបានការគាំទ្រយ៉ាងខ្លាំងពីមហាជន ដោយចម្រៀងមួយបទៗរបស់ GMENGz សុទ្ធសឹងពីរោះៗ មានប៉ារ៉ូលគួរឱ្យចាប់អារម្មណ៍។

ម្យ៉ាងវិញទៀត អ្វីដែលកាន់តែចាប់អារម្មណ៍ទៀតនោះ GMENGz ក៏បានក្លាយទៅជាតារាចម្រៀងរ៉េបវ័យក្មេងមួយរូប ដែលបានផលិតចម្រៀងរួមគ្នានឹងរៀមច្បងក្នុងផលិតកម្មបារមី រួមមានលោក វណ្ណដា, លោក នរិទ្ធ និង លោក វណ្ណថាន ជាដើមទៀតផង៕