(វីដេអូ) ស្អាតពូកែសិល្បៈគ្រប់សប់ សាន្ត កុសុមៈ កំពុងថែមអាជីពមួយទៀតត្រៀមធ្វើជាផលិតករវ័យក្មេង

និយាយពីកញ្ញា សាន្ត កុសុមៈ ធីតាឯកសង្រ្កាន្ត ឆ្នាំ ២០២១ កន្លងមក មិនត្រឹមទទួលបានការចាប់អារម្មណ៍យ៉ាងខ្លាំងពីមហាជនជាមួយរូបសម្ផស្សដ៏ស្រស់ស្អាតទាក់ទាញរបស់នាងទេ តែស្រីស្រស់វ័យ ២២ ឆ្នាំរូបនេះ ក៏ត្រូវបានមហាជនគាំទ្រខ្លាំង ខណៈនាងប្រឡូកចូលវិស័យសម្ដែងពោរពេញដោយសមត្ថភាព និង ទេពកោសល្យយ៉ាងប៉ិនប្រសប់។

មកដល់ពេលនេះ ស្រីស្អាត កុសុមៈ ហាក់កាន់តែប្រមូលបានប្រជាប្រិយភាព និង មានសន្ទុះទីផ្សារខ្លាំងក្នុងវិស័យសិល្បៈ រីឯរូបសម្រស់របស់នាងវិញ ក៏កាន់តែទាក់យកបេះដូងរបស់អ្នកគាំទ្រខ្លាំងឡើង តាមរយៈការបញ្ចេញរូបភាពស្ទីលប្លែកៗយ៉ាងគួរឱ្យស្រឡាញ់លើបណ្ដាញសង្គម។

អ្វីកាន់តែចាប់អារម្មណ៍ និង សរសើរខ្លាំងចំពោះ​ស្រីស្អាតរូបនេះទៀត នៅពេលឃើញថានាងមិនត្រឹមតែមានសមត្ថភាពក្នុងការសម្ដែង ជាពិធីការិនី ជាតារាម៉ូឌែល និង ជាធីតាឯកដ៏ស្រស់ស្អាតនោះទេ តែ សាន្ត កុសុមៈ ក៏មានដុងផ្នែកវិស័យចម្រៀងមួយទៀត ដោយទឹកដមសំឡេងរបស់នាងពីរោះមិនធម្មតាទេ។

ដោយឡែក ថ្មីៗនេះ សាន្ត កុសុមៈ កាន់តែធ្វើឱ្យអ្នកគាំទ្រមិនសរសើរមិនបាន ខណៈបានឃើញបទសម្ភាសរបស់នាងមួយ ដែលកញ្ញាបានបង្ហើបទាក់ទងនឹងសមត្ថភាពថ្មីរបស់នាងមួយទៀត ដោយពេលនេះមិនត្រឹមតែជាតារាសម្ដែងស្រីនោះទេ គឺនាងកំពុងចាប់ផ្ដើមវិវត្តន៍ខ្លួនទៅជាផលិតករវ័យក្មេងមួយរូប ដែលត្រៀមនឹងផលិតភាពយន្តថ្មីដំបូងដោយខ្លួនឯងទៀតផង៕

សូមចុចទីនេះដើម្បីទស្សនាវីដេអូ៖