ឃើញ ម៉ាលីន ស្អាតពូកែធ្វើម្ហូប តែមកមើលប្អូនៗស្រីនាង ២ នាក់ ក៏ឃ្យូដមិនចាញ់បងស្រីដែរ

ជាការពិតណាស់ បន្ទាប់ពីទទួលបាន Top 3 ក្នុងកម្មវិធី MasterChef Cambodia រដូវកាលទី ៣ ហើយនោះ កញ្ញា ឆៃ តារាម៉ាលីន ក្រៅពីឆក់បានការចាប់អារម្មណ៍លើថ្វៃដៃនៃការធ្វើម្ហូបរបស់នាងហើយនោះ ក៏មានមហាជនជាច្រើនចង់ដឹងពីរឿងរ៉ាវឯកជនរបស់នាងដូចគ្នាដែរ។

យ៉ាងណាមិញ ពាក់ព័ន្ធនឹងរឿងរ៉ាវស្នេហា ច្បាស់ជាអ្នកគាំទ្របានដឹងរួចហើយដែរថា ពេលនេះ នាង និង បេក្ខជនរួមការប្រកួត គឺលោក ចៅ ដាឡែត មានទំនាក់ទំនងលើសពីមិត្ត ហើយមួយរយៈក្រោយនេះ អ្នកទាំង ២ កាន់តែបង្ហាញពីភាពផ្អែមល្ហែមនឹងគ្នាពីមួយថ្ងៃទៅមួយថ្ងៃទៀតផង។

ដោយឡែក ក្រឡេកមកមើលសាមីខ្លួនផ្ទាល់វិញ គឺពាក់ព័ន្ធនឹងរូបសម្រស់របស់កញ្ញា ឆៃ តារាម៉ាលីន ក៏ត្រូវបានអ្នកគាំទ្រលើកសរសើរពីរូបនាងដែរ ដោយនាងមានសម្រស់ស្រស់ស្អាត បែបកូនកាត់ចិនមកពីខេត្តកំពត។

ក្នុងនោះ បើក្រឡេកទៅមើលក្រុមគ្រួសារឯណោះវិញ ក្រៅពីមានបងប្រុសបងស្រីហើយនោះ កញ្ញា ឆៃ តារាម៉ាលីន ក៏នៅមានប្អូនៗស្រីប៉ុន្មានរូបទៀត ដោយក្នុងនោះ ២ រូប មានវ័យជំទង់ និង មានរូបសម្រស់ស្រស់ស្អាតដូចនាងអ៉ីចឹង៕