ដឹងតែកក្រើកហើយ! លេចឮល្ហៀងៗថា Bruno Mars នឹងមានវត្តមានចូលរួមកម្មវិធី MAMA AWARDS 2024

តាមសារព័ត៌មាន Koreaboo បានឱ្យដឹងថា តារាចម្រៀង Bruno Mars អាចននឹងមានវត្តមានចូលរួមសម្ដែងក្នុងកម្មវិធីពានរង្វាន់ MAMA 2024 នៅប្រទេសជប៉ុន។

តាមរបាយការណ៍ផ្ដាច់មុខពីសារព័ត៌មាន Tenasia តារាចម្រៀង Bruno Mars នឹងមានការសម្ដែងពិសេសមួយនៅកម្មវិធីពានរង្វាន់ MAMA 2024។ យ៉ាងណាមិញ ដំណឹងលេចឮមួយនេះ ខាងកម្មវិធី MAMA ក៏ដូចជាអ្នកតំណាងឱ្យ Bruno Mars ផ្ទាល់មិនទាន់ចេញមុខមកបញ្ជាក់ផ្លូវការនៅឡើយទេ។

គួរបញ្ជាក់ថា កម្មវិធីពានរង្វាន់ MAMA 2024 នឹងធ្វើឡើងនៅថ្ងៃទី ២១ ខែវិច្ឆិកា ឆ្នាំ ២០២៤ នាសហរដ្ឋអាមេរិក និង ថ្ងៃទី ២២-២៣ ខែវិច្ឆិកា នៅទីក្រុង Osaka ប្រទេសជប៉ុន៕