បកស្រាយទំនាក់ទំនងនឹង រចនា រ៉ាវ៉ាឌី ស្រេចបាច់ តារាប្រុស ព្រីន បណ្ដើរស្រីស្អាតម្នាក់ មើលទៅស្និទ្ធដូចសង្សារ

ជាការពិតណាស់ កន្លងមកអ្នកគាំទ្រ តារាប្រុស ព្រីន និង រចនា រ៉ាវ៉ាឌី ត្រូវបានអ្នកគាំទ្រលើកឡើងថា តារាប្រុសស្រីមួយគូនេះ មិនត្រឹមតែជាដៃគូសម្ដែងដ៏ស័ក្តិសមនោះទេ ថែមទាំងជាដៃគូក្រៅឆាក តែងតែធ្វើឱ្យអ្នកគាំទ្រផ្គូផ្គង់ចង់ឱ្យក្លាយជាគូស្នេហ៍ពិតៗតែម្ដង និង ខ្លះលើកឡើងថា អ្នកទាំង ២ មានទំនាក់ទំនងលើសពីមិត្តថែមទៀតផង។

យ៉ាងណាមិញ ថ្មីៗកន្លងទៅនេះ ខាងស្រី គឺកញ្ញា រចនា រ៉ាវ៉ាឌី ក៏បានចេញមកបញ្ជាក់យ៉ាងច្បាស់ហើយថា នាង និង លោក ព្រីន ពុំធ្លាប់មានទំនាក់ទំនងអ្វីជាមួយគ្នាក្រៅពីការងារទេ ក៏មិនធ្លាប់ស្រឡាញ់គ្នាដែរ ហើយក៏មិនបានសម្ដែងធ្វើស្រឡាញ់គ្នានោះដែរ ដោយរាល់សកម្មភាពផ្សេងៗគ្រាន់តែជាការងារប៉ុណ្ណោះ។

ដោយឡែក ងាកមកកាន់កំលោះ ព្រីន ឯណោះវិញ មួយរយៈក្រោយនេះ មហាជនកំពុងចាប់ក្រសែភ្នែកទៅកាន់លោក និង តារាស្រី ហេណា ម្ចាស់បទ «ដោះលែង» វិញហើយ ដោយអ្នកទាំង ២ មើលទៅមានភាពស្និទ្ធស្នាលខុសប្លែកពីធម្មតា។

មិនត្រឹមតែប៉ុណ្ណោះ មិនថាតែរូបភាព ឬ ពាក្យសម្តីឆ្លើយឆ្លងគ្នាលើបណ្តាញសង្គមនានានោះទេ លោក ព្រីន និង កញ្ញា ហេណា ត្រូវបានអ្នកគាំទ្រដាក់ការសង្ស័យថា អាចនឹងមានទំនាក់ទំនងពិសេសនឹងគ្នាជាក់ជាមិនខាន៕