មោទកភាពណាស់! មិនត្រឹមតែ Top 30 ទេ ប្រាសាទ ដាវីន បានឈ្នះពានមាស និង Top ផ្សេងទៀតពី MU ជូនប្រទេស និង អ្នកគាំទ្រកម្ពុជា
ពិតណាស់ នៅថ្ងៃទី ១៧ ខែវិច្ឆិកា ឆ្នាំ ២០២៤ កន្លងទៅនេះ បវរកញ្ញាចក្រវាលកម្ពុជា គឺអ្នកនាង ប្រសាទ ដាវីន បានធ្វើឱ្យមហាជនអ្នកគាំទ្រវិស័យបវរកញ្ញាសែនរំភើបចិត្តបំផុត ដោយអ្នកនាងអាចបើកទ្វារកម្ពុជាឈានចូល Top កំពូលនៃកម្មវិធីសម្រស់ដ៏អស្ចារ្យ Miss Universe ប្រចាំឆ្នាំ ២០២៤ ពេញដោយក្ដីមោទកភាពសម្រាប់កម្ពុជា។
ពេលនេះដែរ ស្រ្តីដ៏មានសក្កានុពលរូបនេះ នៅតែធ្វើឱ្យមហាជនអ្នកគាំទ្រវិស័យបវរកញ្ញាទូទាំងប្រទេសចែករំលែកអបអរពេញបណ្ដាញសង្គម ដោយមិនទាន់បាត់រំភើបនៅឡើយជាមួយលទ្ធផលរបស់អ្នកនាងលើអន្តរជាតិមួយនេះ ដ្បិតតែមិនអាចមានឱកាសចូលដល់ Top ជ្រៅ ដោយបានត្រឹមតែ Top 30 មែន ប៉ុន្តែអ្នកនាងក៏អាចបំបែកកំណត់ត្រាប្រវត្តិសាស្រ្តកម្ពុជាឈានចូល Top លើកដំបូងនៃកម្មវិធី Miss Universe ហើយនេះជាប្រវត្តិសាស្ត្រមួយសម្រាប់កម្ពុជាដែលមានបវរកញ្ញាអាចធ្វើបាន ខណៈកម្ពុជាទើបតែបោះជំហានចូលរួមប្រកួតបានចំនួន ៨ លើកនោះ។
យ៉ាងណាមិញ ក្នុងការប្រកួតកម្មវិធីអន្តរជាតិដ៏អស្ចារ្យនេះដែរ ក្រៅពីទទួលបានឱកាសចូល Top 30 នៃ Miss Universe 2024 បើគិតពីលទ្ធផលសរុបដែលបវរកញ្ញាអ្នកនាង ប្រាសាទ ដាវីន ទទួលបានដោយការប្រឹងប្រែងលើឆាកអន្តរជាតិនេះ និង មានការជ្រោមជ្រែងពីអ្នកគាំទ្រវិស័យបវរកញ្ញាកម្ពុជាតាំងពីដំណើរការប្រកួតមក គឺអ្នកនាងបាននាំយកលទ្ធផលល្អៗលើកមុខមាត់ប្រទេសផ្សេងទៀតដូចជា៖
– Top 30 Miss Universe 2024
– Gold Winner Voice for Change Award
– Top 3 Fan Vote Category of the Fan Vote
– Top 20 Best Make Up
