ភ្ញាក់ផ្អើល! ហុក សារិតុលា ចូលប្រកួត Miss Supranational កម្ពុជា ២០២៥ ក្រោយស្ពាយមកុដ Miss Wisdom អស់ ៤ ឆ្នាំអត់បានចេញប្រកួត
និយាយពីបវរកញ្ញា ហុក សារិតុលា ម្ចាស់ជ័យលាភីគ្រងមកុដដំបូងនៃកម្មវិធី Miss Wisdom Cambodia 2021 ក្រោយពីបានខកខានក្នុងការចូលរួមប្រកួតលើឆាកអន្តរជាតិ នាងក៏ក្ដោបបានទីផ្សារ និង ប្រជាប្រិយភាពក្នុងវិស័យសម្ដែងវិញ ដែលបានលេចមុខសម្ដែងភាពយន្តភាគខ្មែរបន្តបន្ទាប់ និង ហាក់ឃ្លាតឆ្ងាយពីវិស័យបវរកញ្ញាជាង ៣ ឆ្នាំ។
យ៉ាងណាមិញ ក្រោយពីអាកខានវត្តមានបវរកញ្ញារូបនេះបង្ហាញខ្លួនលើឆាកបវរកញ្ញាប៉ុន្មានឆ្នាំ ស្រាប់តែថ្មីៗនេះ ហុក សារិតុលា បានធ្វើឱ្យមហាជនអ្នកគាំភ្ញាក់ផ្អើលយ៉ាងខ្លាំង ក្រោយពីលេចវត្តមានរបស់នាងជាបេក្ខភាពក្នុងការប្រកួតក្នុងកម្មវិធី Miss Supranational Cambodia 2025។
ក្នុងនោះ តាមរយៈការបង្ហោះផេកផ្លូវការរបស់ Supranational Cambodia បានឱ្យដឹងថា កញ្ញា ហុក សារិតុលា ស្ថិតនៅក្នុងបេក្ខភាព ២៥ នាក់ ដែលជាប់វគ្គជម្រុះតាមរយៈរូបថត 𝐎𝐧𝐥𝐢𝐧𝐞 លើកដំបូង។ ជាមួយដំណឹងវិលចូលរូបប្រឡូកក្នុងឆាកប្រកួតបវរកញ្ញានេះវិញ កញ្ញា ហុក សារិតុលា បានធ្វើឱ្យអ្នកគាំទ្ររំភើបចិត្ត និង បានផ្តល់ក្ដីសង្ឃឹមលើនាងថានឹងឈ្នះមកុកក្នុងកម្មវិធិនេះបានផងដែរ៕
