កាន់តែបង្ហាញច្បាស់! ធ្លាយវីដេអូ នាយចឺម និង អតីតបេក្ខភាព Cambodian Idol រដូវកាលទី ៤ មួយរូប ដើរលេងនៅសមុទ្រឡើងផ្អែម

កន្លងមក នាយចឺម ត្រូវបានមហាជនអ្នកគាំទ្រលើកឡើងបន្តបន្ទាប់ពីចរិតចូលចិត្តលេងសើចញ៉េះញ៉ោះដាក់នារីៗ ជាពិសេសតារាចម្រៀងប្រុសរូបនេះមានសង្សារសុទ្ធតែជាស្រីស្អាត និង ជាអ្នកស្ថិតក្នុងសិល្បៈ ហើយចំណងស្នេហារបស់លោកកន្លងមកក៏ហាក់មិនសមប្រកបទាល់តែសោះ ពោលគឺស្រឡាញ់តែមិនយូរប៉ុន្មានក៏ប្រកាសចែកផ្លូវគ្នាដើររៀងខ្លួនវិញ។

ដ្បិតថានៅពីក្រោយការបែកបាក់សង្សារចាស់របស់ នាយចឺម កន្លងមក ពួកគេមិនសូវលាតត្រដាងក៏ពិតមែន ប៉ុន្ដែស្ទើររាល់ពេលធ្លាយដំណឹងបែកគ្នា មហាជនអ្នកលេងហ្វេសប៊ុកភាគច្រើនតែងដាក់បន្ទុកទៅលើ នាយចឺម ហើយពាក្យសម្ដីលេងសើចលេបខាយដាក់ស្រីៗរបស់នាយ ធ្វើឱ្យមហាជននិយាយតគ្នាថាលោកគឺជាព្រាននារី។ ក្រោយពីត្រូវបានគេថាជាព្រាននារីហើយនោះ កន្លងមក នាយចឺម ក៏ធ្លាប់បង្ហោះសារក្នុងន័យលេងផង មែនផងថា ខ្លួនជាប្រុសស្មោះវេចបង្វិចដើររកគ្មានទេ។

យ៉ាងណាមិញ ក្រោយពីបែកបាក់ស្នេហាចុងក្រោយអស់រយៈពេលប្រមាណជិត ២ ឆ្នាំ ស្រាប់តែកន្លងមក នៅលើបណ្តាញសង្គម Tik Tok កំពុងផ្ទុះការចែករំលែកវីដេអូរបស់ នាយចឺម និង តារាចម្រៀងជាអតីតបេក្ខភាព Cambodian Idol រដូវកាលទី ៤ កញ្ញា នួន បូលក្ខណ៍ ហាក់ស្និទ្ធស្នាលនឹងគ្នា ដោយក្នុងនោះគេឃើញតារាចម្រៀងពីររូបនេះទៅណាមកណាជាមួយគ្នា មិនថាតែក្នុងកម្មវិធីសិល្បៈ ឬ ក្រៅសិល្បៈនោះទេ។

យ៉ាងណាមិញ ស្រាប់តែថ្មីៗនេះ វីដេអូស្និទ្ធស្នាលរវាង នាយ ចឺម និង កញ្ញា នួន បូលក្ខណ៍ ត្រូវបានគេយកទៅបង្ហោះជាថ្មីលើ Tik Tok ដោយឃើញតារាចម្រៀងប្រុសស្រី ១ គូនេះ ទៅដើរលេងកម្សាន្តជុំគ្នា និង បង្ហាញការឱបថើបគ្នាយ៉ាងស្និទ្ធស្នាល៕

សូមចុចទីនេះ ដើម្បីទស្សនាវីដេអូ៖