មិនទុកឱ្យស្ងាត់យូរទេ! ពេលនេះ Goofy ត្រៀមទម្លាក់បទថ្មីជាមួយ Zedes លុកលុយវិស័យរ៉េប
ជាការពិត ស្របពេលមិត្តរួមជំនាន់បានបញ្ចេញបទចម្រៀងព្រោតព្រាតហើយនោះ តារាចម្រៀងរ៉េបស្រករក្រោយលោក Goofy បេក្ខជន Top 3 កម្មវិធី The Rapper Cambodia រដូវកាលទី ១ កាន់តែធ្វើឱ្យមហាជនអន្ទះសារចង់ស្តាប់ចម្រៀងថ្មីរបស់លោកព្រោងព្រាត។
ជាក់ស្តែង បើទោះជាកាលពីអំឡុងខែ សីហា ឆ្នាំ ២០២៤ កន្លងទៅ លោក Goofy បានបញ្ចេញចម្រៀងមួយបទមានចំណងជើងថា «PRAY FOR ME» ទទួលបានការគាំទ្រយ៉ាងគគ្រឹកហើយក្តី តែអ្នកគាំទ្រនៅតែរង់ចាំស្នាដៃថ្មីរបស់លោក ជាពិសេសនោះ គឺបទចម្រៀងច្រៀងរួមគ្នានឹង Top 3 កម្មវិធី The Rapper Cambodia រដូវកាលទី ១ គឺលោក Yuhai និង លោក Zedes តែម្តង។
យ៉ាងណាមិញ មិនបង្អង់យូរឱ្យអ្នកគាំទ្ររង់ចាំ ស្រាប់តែនៅថ្ងៃទី ២២ ខែវិច្ឆិកា ឆ្នាំ ២០២៤ នេះ លោក Goofy បានឱ្យដំរួយការបញ្ចេញចម្រៀងថ្មីរបស់លោកធ្វើឱ្យអ្នកគាំទ្ររំភើបចិត្តជាខ្លាំង។ លើសពីនេះទៅទៀត អ្វីកាន់តែធ្វើឱ្យអ្នកគាំទ្រកាន់តែចង់ស្តាប់នោះ បទថ្មីរបស់ Goofy នឹងផលិតរួមគ្នាជាមួយនឹងលោក Zedes ទៀតផង៕
