ផ្ទុះការមិនពេញចិត្តលើវីដេអូរបស់ សុខុម រចនា និង មិត្តភក្ដិ ក្រោយយកបទភ្លេងខ្មែរ Remix រាំលេងសើចមិនសមទំនង

ថ្មីៗនេះ លើបណ្ដាញសង្គមមហាជនអ្នកលេងហ្វេសប៊ុកកំពុងផ្ទុះការចែករំលែក និង បញ្ចេញមតិវែកញែកខ្លាំងចំពោះតារាចម្រៀងស្រី សុខុម រចនា និង មិត្តភក្តិ ២ នាក់ទៀត ក្រោយពីឃើញវីដេអូមួយនៃសកម្មភាពរបស់ពួកគេថតរាំលេងសើចមិនសមទំនង។

ក្នុងនោះ អ្វីដែលធ្វើឱ្យមហាជនផ្ទុះការវែកញែករិះគន់មិនពេញចិត្តខ្លាំង ព្រោះតែក្នុងវីដេអូនោះ សុខុម រចនា និង មិត្តភក្តិ បានលើកយកបទភ្លេង Remix មួយ ដែលជាបទភ្លេងខ្មែរលំនាំបទភ្លេងពិណពាទ្យសម្រាប់ប្រើក្នុងពិធីបុណ្យប្រពៃណី មករាំបែបលេងសើចសប្បាយទៅវិញ។

វីដេអូនេះដែរ ត្រូវបានមហាជនជាច្រើនផ្ទុះការចែករំលែកពេញបណ្ដាញសង្គម និង ភ្ជាប់មតិរិះគន់ខ្លាំងៗទៅលើតារាចម្រៀងស្រី សុខុម រចនា និង មិត្តភក្តិ ដោយចាត់ទុកជាទង្វើគ្មានសុជីវធម៌ប៉ះពាល់ដល់មុខមាត់សង្គម ព្រមទាំងឱ្យពួកគេលុបវីដេអូនេះវិញផងដែរ៕

សូមទស្សនាវីដេអូខាងក្រោម៖