ផ្ទុះសរសើរ! ផន ស្រីពី លះគ្រប់វគ្គ និង លេចធ្លោគ្រប់ឈុត ក្នុងកម្មវិធីអន្តរជាតិ Miss Intercontinental 2024 លើទឹកដីអេហ្ស៊ីប
រយៈពេលជាង ១០ ថ្ងៃហើយ ដែល Miss Intercontinental Cambodia 2024 កញ្ញា ផន ស្រីពី បានចាកចេញពីមាតុប្រទេសទៅកាន់ប្រទេសអេហ្សុីប តំណាងឱ្យកម្ពុជាចូលរួមប្រកួតក្នុងកម្មវិធី Miss Intercontinental 2024។
មកដល់ពេលនេះ កម្មវិធី Miss Intercontinental 2024 កាន់តែកៀកថ្ងៃប្រកួតផ្ដាច់ព្រ័ត្រហើយ ដែលនឹងប្រព្រឹត្តទៅនៅថ្ងៃទី ៦ ខែធ្នូ ឆ្នាំ ២០២៤ ខាងមុននេះ ដោយពេលនេះដែរ ក្រឡេកមើលបេក្ខភាពបវរកញ្ញាកម្ពុជាយើងគឺកញ្ញា ផន ស្រីពី ក៏កំពុងស្ថិតក្នុងដំណើរការប្រកួតត្រៀមខ្លួនយ៉ាងស្វាហាប់ផងដែរ។
ក្នុងដំណើរប្រកួតរយៈពេលជាង ១០ ថ្ងៃនេះ បវរកញ្ញា ផន ស្រីពី តែងឆក់បានការចាប់អារម្មណ៍ និង សរសើរខ្លាំងពីមហាជនអ្នកគាំទ្រខ្មែរជាមួយនឹងវត្តមានរបស់នាងក្នុងដំណើរការប្រកួតពីមួយថ្ងៃទៅមួយថ្ងៃកាន់តែស្រស់ស្អាតលេចធ្លាខ្លាំង។
ជាក់ស្ដែង ក្រឡេកទៅមើលការតុបតែងខ្លួនរបស់ ផន ស្រីពី វិញ ក្នុងឈុតនីមួយៗដែលរៀបចំខ្លួនបានយ៉ាងល្អ ទាំងការផាត់មុខ ធ្វើសក់ និង ឈុតដ៏ប្រណីតៗស្រស់ស្អាតហាក់វ៉ាដាច់បេក្ខភាពបវរកញ្ញាដទៃគ្រប់កម្មវិធីផ្សេងៗរបស់ Miss Intercontinental 2024៕
