(វីដេអូ) ទោះជាគូប្រកួត តែ Miss Teen Charm ព័រតូរីកូ មានបេះដូងទូលាយ ស្ទុះស្ទាទៅជួយ Miss Teen Charm ប្រេស៊ីល ដែលជិតដួលសន្លប់លើឆាកមុនគេឯង
កាលពីថ្ងៃទី ០១ ខែវិច្ឆិកា ឆ្នាំ ២០២៤ កន្លងទៅនេះ កម្មវិធី Miss Teen Charm International 2024 បានរកឃើញម្ចាស់មកុដហើយ ដោយបានទៅលើ Miss Teen មកពីប្រទេសម៉ិកស៊ិក។
ស្របពេលម្ចាស់មកុដទទួលបានការអបអរសាទពីសំណាក់អ្នកគាំទ្រនោះ ក្រឡេកទៅមើល Miss Teen Charm មកពីបណ្តាប្រទេសដទៃ ដែលបានជាប់ក្នុង Top 10 ជាពិសេស គឺ Miss Teen Charm ព័រតូរីកូ ២០២៤ ត្រូវបានមហាជនផ្ទុះការសរសើរដល់នាងជាខ្លាំង បន្ទាប់ពីនាងជាបុគ្គល ដែលស្ទុះទៅត្រកង Miss Teen Charm ប្រេស៊ីលជិតដួលសន្លប់លើឆាក។
ជាក់ស្តែង ស្របពេល Miss Teen Charm ប្រេស៊ីល ២០២៤ ឡើងឆ្លើយសំណួរ Top 10 ទាំងកំពុងមានបញ្ហាសុខភាព ក៏មាន Miss ដទៃទៀត បានត្រៀមមកជួយនាងរួចជាស្រេច តែយ៉ាងណាក៏ដោយ Miss Teen Charm ព័រតូរីកូ 2024 គឺជាបវកញ្ញាមួយរូប ដែលមិនដកក្រសែភ្នែកពីមិត្តរួមប្រកួត ហើយនាងជាបុគ្គលមួយរូបមុនគេរត់ទៅជួយ Miss Teen Charm ប្រេស៊ីល 2024៕
