សោកស្ដាយ! តារាសម្តែងប្រុសកូរ៉េ Park Min Jae បានទទួលមរណភាព ក្នុងវ័យ ៣២ ឆ្នាំ ដោយសារជំងឺគាំងបេះដូង

កាលពីថ្ងៃទី ២ ខែធ្នូ ឆ្នាំ ២០២៤ កន្លងទៅនេះ សារព័ត៌មានរបស់កូរ៉េបានទម្លាយដំណឹងដ៏សោកសៅមួយថាតារាប្រុសលោក Park Min Jae បានទទួលមរណភាពហើយនៅក្នុងវ័យ ៣២ ឆ្នាំ ដោយសារតែគាំងបេះដូង។

តាមព័ត៌មានបានឱ្យដឹងថា Park Min Jae បានបាត់បង់ជីវិតតាំងពីថ្ងៃទី ២៩ ខែវិច្ឆិកា ឆ្នាំ ២០២៤​ នៅឯប្រទេសចិន ដោយសារតែគាំងបេះដូងភ្លាមៗ។ ក្នុងនោះ សាច់ញាតិបងប្អូន ក៏ដូចជា Big Title ដែលជាទ្រនំផលិតកម្មរបស់លោក ក៏បានចេញមុខមកបញ្ជាក់ហើយដែរថា Park Min Jae ពិតជាបានបាត់បង់ជីវិតពិតមែន ហើយពួកគេពិតជាមានការសោកស្តាយខ្លាំងណាស់ ចំពោះការចាកចោលទៅរបស់លោក។

យ៉ាងណាមិញ ពិធីបុណ្យសពរបស់លោក នឹងត្រូវធ្វើឡើងនៅថ្ងៃទី ៤ ខែធ្នូ ឆ្នាំ ២០២៤ ខាងមុខនេះ ដោយកន្លែងបញ្ចុះសពរបស់លោកមិនត្រូវបានគេទម្លាយឱ្យដឹងនោះទេ៕

ប្រភព៖ Khaosod